ເມື່ອວັນທີ 5 ພຶດສະພາຜ່ານມາ ເກີດເຫດໄຟໄໝ້ເຮືອບິນໂດຍສານຂອງຣັດເຊຍ Aeroflot Sukoi ທີ່ເດີນທາງຈາກເມືອງ Sheremetyevo ນະຄອນມອສໂກ ຊຶ່ງມີປາຍທາງໄປຍັງເມືອງ Murmansk ເກີດໄຟໄໝ້ ໂດຍເບື້ອງຕົ້ນພົບຜູ້ເສຍຊີວິດແລ້ວຢ່າງໜ້ອຍ 41 ລາຍ ໃນນັ້ນ ເປັນເດັກນ້ອຍ 2 ລາຍ.
ເຮືອບິນລຳດັ່ງກ່າວມີຜູ້ໂດຍສານທັງໝົດ 78 ຄົນ ໃນນັ້ນ ມີກັບຕັນ ແລະ ລູກເຮືອ 5 ຄົນ ສຳລັບສາເຫດຂອງເຫດການໃນຄັ້ງນີ້ ຄາດວ່າເກີດຈາກການຂັດຂ້ອງຂອງອຸປະກອນໄຟຟ້າ ຢ່າງໃດກໍຕາມ ເຈົ້າໜ້າທີ່ກ່ຽວຂ້ອງກໍພວມເລັ່ງສືບສວນ-ສອບສວນເພື່ອຫາ ຕົ້ນເຫດຂອງເຫດການດັ່ງກ່າວ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: AFP