ສູນປ້ອງກັນ ແລະຄວບຄຸມພະຍາດຂອງສະຫະລັດອາເມຣິກາ (CDC) ໄດ້ອອກຖະແຫຼງການວ່າ ຈຳນວນຜູ້ຕິດເຊື້ອພະຍາດໝາກແດງໃນປະເທດເພີ່ມຂຶ້ນສູງສຸດໃນຮອບ 25 ປີ ຊຶ່ງຕົວເລກເມື່ອທ້າຍເດືອນເມສາຜ່ານມາຢູ່ທີ່ 704 ຄົນ ຊຶ່ງພົບຢູ່ໃນ 22 ລັດ ເພີ່ມຂຶ້ນ 1,3% ຈາກສະຖິຕິ 695 ຄົນເມື່ອອາທິດທີ່ຜ່ານມາ.
ຊຶ່ງນັບເປັນສະຖິຕິທີ່ສູງທີ່ສຸດເທົ່າທີ່ກະຊວງສາທາລະສະນະສຸກເຄີຍປະກາດເມື່ອປີ 2000 ແລະ ຖືເປັນສະຖິຕິສູງສຸດນັບແຕ່ປີ 1994 ທີ່ທາງພາກລັດເຄີຍປະກາດວ່າພະຍາດໝາກແດງໝົດໄປຈາກປະເທດແລ້ວ ສຳລັບພື້ນທີ່ທີ່ມີການແຜ່ລະບາດຂອງພະຍາດໝາກແດງສູງທີ່ສຸດແມ່ນລັດນິວເຈີຊີ ແລະ ນິວຢອກ ຊຶ່ງເປັນລັດທີ່ມີປະຊາກອນ ອາໄສຢູ່ຫຼາຍທີ່ສຸດ ໂດຍເຂດທີ່ມີການລະບາດໜັກທີ່ສຸດແມ່ນເຂດບຣູກລິນ.
ຂະນະທີ່ ທ່ານ ບິລ ເດິ ບລາຊິໂອ ເຈົ້າຄອງນະຄອນນິວຢອກໄດ້ປະກາດພາວະສຸກເສີນດ້ານສາທາລະນະສຸກແບບເຈາະຈົງຄວບຄຸມທົ່ວເຂດບຣູກລິນ ແລະ ໄດ້ລົງນາມໃນຄຳສັ່ງຫ້າມໃຫ້ປະຊາຊົນທຸກຄົນທີ່ອາໄສຢູ່ໃນເຂດບຣູກລິນ ຕ້ອງເຂົ້າມາຮັບການສີດວັກຊິນ ແລະ ຖ້າຫາກຝ່າຝືນ ຫຼື ບໍ່ສະແດງຫຼັກຖານວ່າໄດ້ຮັບ ການສີດວັກຊິນແລ້ວກໍຈະຖືກປັບໄໝສູງສຸດເຖິງ 1.000 ໂດລາ.
ຮຽບຮຽງ: ສະຫະລັດ ວອນທິວົງໄຊ
ຮູບພາບຈາກ: AFP