ປະທານາທິບໍດີ ໂດນັລ ທຣໍ້າ ຖອນສະຫະລັດອອກຈາກຂໍ້ຕົກລົງທີ່ປະເທດຜູ້ນຳໂລກ 6 ປະເທດ ເຮັດໄວ້ກັບອິຫຼ່ານເມື່ອປີ 2015 ແລ້ວເລີ່ມກັບມາໃຊ້ມາດຕະການລົງໂທດຕໍ່ອິຫຼ່ານອີກຄັ້ງເມື່ອປີ 2018 ເພື່ອກົດດັນອິຫຼ່ານໃຫ້ຢຸດຕິໂຄງການນິວເຄຣຍ ແລະ ຢຸດຕິການສະໜັບສະໜູນຈາກລັດຖະບານຊີຣີ ແລະ ເຢເມນ.
ທຳນຽບຂ່າວມີຖະແຫຼງການໃນວັນຈັນລະບຸວ່າ ການຕັດສິນໃຈຄັ້ງນີ້ເປັນຄວາມພະຍາຍາມຕັດການສົ່ງອອກນໍ້ຳມັນຂອງອິຫຼ່ານທັງໝົດ ເພື່ອຕັດແຫຼ່ງລາຍໄດ້ທີ່ສຳຄັນຂອງລັດຖະບານອິຫຼ່ານ. ໂດຍ 5 ປະເທດທີ່ຈະຖືກລະງັບນຳເຂົ້ານໍ້າມັນຈາກອິຫຼ່ານ ເລີ່ມຕັ້ງແຕ່ວັນທີ 2 ພຶດສະພາ 2019 ນີ້ ມີ 3 ປະເທດທີ່ເປັນພັນທະມິດຂອງສະຫະລັດຄື: ຍີ່ປຸ່ນ, ເກົາຫຼີໃຕ້ ແລະ ຕວັກກີ ແລະ ອີກ 2 ປະເທດຄື: ຈີນ ກັບ ອິນເດຍ. ເຊິ່ງກ່ອນໜ້ານີ້ມີບາງປະເທດຢ່າງ ອິຕາລີ, ກຣີຊ ແລະ ໄຕ້ຫວັນ ທີ່ຍອມປະຕິບັດຕາມຄຳສັ່ງຂອງສະຫວັນ ທີ່ຫ້າມຊື້ນໍ້າມັນຈາກອິຫຼ່ານ.
ທາງ ປະທານາທິບໍດີ ໂດນັລ ທຣໍ້າ ໄດ້ທະວີດຂໍ້ຄວາມໃນທະວີດເຕີວັນຈັນວ່າ ຊາອຸດິອາລັບບີ ແລະ ປະເທດອື່ນໆ ໃນກຸ່ມໂອເປກ ຈະຜະລິດນໍ້າມັນໄດ້ຫຼາຍຂຶ້ນເມື່ອສະຫະລັດ ເລີ່ມໃຊ້ມາດຕະການລົງໂທດຢ່າງເຕັມຮູບແບບກັບອິຫຼ່ານ.
ໃນຂະນະດຽວກັນອິຫຼ່ານອອກມາຂູ່ໃນວັນຈັນຄືກັນວ່າຈະປິດຊ່ອງແຄບຮໍມຸຊ ເພື່ອຕອບໂຕ້ມາດຕະການລົງໂທດຄັ້ງຫຼ້າສຸດຂອງລັດຖະບານສະຫະລັດ.
ຮຽງຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.sanook.com