ເຈົ້າໜ້າທີ່ຮັກສາຄວາມປອດໄພຊາຍຝັ່ງຂອງຍີ່ປຸ່ນຢືນຢັນ 3 ນັກບິນຫາຍຕົວໄປ ຫລັງພາຍຸພັດຖະຫລົ່ມເມືອງ
ໂອກິນາວາ ເລັ່ງຄົ້ນຫາຢ່າງດ່ວນ.
ສື່ຕ່າງປະເທດລາຍງານ ໃນວັນທີ 5 ຕຸລານີ້ວ່າ 3 ນັກບິນໃນເມືອງໂອກິນາວາ ໄດ້ຫາຍຕົວໄປຕັ້ງແຕ່ຊ່ວງເວລາ
ຫລັງຕາເວັນຕົກດິນຂອງວັນທີ 5 ຕຸລາ 2014 ໂດຍຄາດວ່າອາດຖືກພາຍູທີ່ຖະຫລົ່ມເຂົ້າພື້ນທີ່ ພັດພາຈົມຫາຍ
ໄປກັບຄື້ນໃນທະເລ ດ້ານກອງທັບອາກາດຂອງສະຫະລັດອາເມຣິກາ ແລະ ເຈົ້າໜ້າທີ່ຮັກສາຄວາມປອດໄພຊາຍ
ຝັ່ງໃນທ້ອງຖິ່ນກ່າວວ່າ ນັກບິນທັງ 3 ຄົນ ຖືກກວາດລົງທະເລ ຈາກຊາຍຝັ່ງທາງຕາເວັນຕົກສ່ຽງເໜືອຂອງໂອ
ກິນາວາ ເມື່ອເວລາປະມານ 13:00 ຕາມເວລາໃນປະເທດລາວ.
ຢ່າງໃດກໍຕາມ ເຈົ້າໜ້າທີ່ຮັກສາຄວາມປອດໄພຊາຍຝັ່ງ ໄດ້ໃຊ້ເຮືອບິນເຮລິຄັອບເຕີ້ອອກຄົ້ນຫາທັນທີ ຫລັງ
ເກີດເຫດເຫດພຽງ 1 ຊົ່ວໂມງ.
ທັງນີ້ ມີຂໍ້ມູນວ່າ ໄດ້ພົບກັບຮ່າງຂອງນັກບິນ 1 ໃນ 3 ຄົນແລ້ວ ແຕ່ຍັງບໍ່ທັນມີການຢືນຢັນຈາກເຈົ້າໜ້າທີ່ຂອງ
ກອງທັບແຕ່ຢ່າງໃດ ໂດຍເຫດການດັ່ງກ່າວນີ້ ເກີດຂຶ້ນຫລັງພາຍຸໄດ້ພັດຜ່ານໂອກິນາວາໄປ.