spot_img
Homeຂ່າວພາຍ​ໃນ2018 ​ທົ່ວ​ປະ​ເທດ​ເກີດ​​ອຸ​ບັດ​ເຫດ​ທັງ​ໝົດ 5 ພັນ​ກວ່າ​ຄັັ້ງ

2018 ​ທົ່ວ​ປະ​ເທດ​ເກີດ​​ອຸ​ບັດ​ເຫດ​ທັງ​ໝົດ 5 ພັນ​ກວ່າ​ຄັັ້ງ

Published on

ປີ 2018 ທົ່​ວ​ປະ​ເທດ​ເກີດ​ອຸ​ບັດ​ເຫດ​ທັງ​ໝົດ 5.984 ຄັ້ງ, ຖ້າ​ທຽ​ບ​ໃສ່​ປີ​ຜ່າ​ນ​ມາ​ຫລຸດ​ລົງ 2 % ເຊິ່ງ​ໃນ​ນັ້ນ,ມີ​ພາ​ຫະ​ນະ​ເປ່​ເພ 10 ພັນ​ກວ່າ​ຄັນ, ຄົນ​ໄດ້​ຮັບ​ບາດ​ເຈັບ 9 ພັນ​ກວ່າ​ຄົນ ແລະ ເສຍ​ຊີ​ວິດ 995 ຄົນ ເຊິ່ງ​ຕົວ​ເລກ​ດັ່ງ​ກ່າວ​ໄດ້​ເປີດ​ເຜີຍ​ໃນ​ງານ​ຖະ​ແຫຼງ​ຂ່າວການ​ຈັດ​ສັບ​ປະ​ດ​າ​ແຫ່ງ​ຊາດ ດ້ານ​ຄວາມ​ປອດ​ໄພ​ທາງ​ຖະ​ໜົນ​ປະ​ຈຳ​ປີ 2019 ໃນ​ວັນ​ທີ 1 ເມ​ສາ 2019 ທີ່​ກົມ​ຂົນ​ສົ່ງ ກະ​ຊວງ​ໂຍ​ທາ​ທິ​ການ ແລະ ຂົນ​ສົ່ງ ໂດຍ​ມີ ທ່ານ ວິ​ໄລ​ພັນ ໄຊ​ຍະ​ວົງ, ຮອງ​ຫົວ​ໜ້າ​ເລ​ຂາ ຄະ​ນະ​ກຳ​ມະ​ການ​ແຫ່ງ​ຊາດ ​ດ້ານ​ຄວາມ​  ປ​ອດ​ໄພ​ທາງ​ຫລວງ, ທ່ານ ແກ້ວ​ມາ​ລາ ແສງ​ທອງ ຮອງ​ຫົວ​ໜ້າ​ກົມ​ຕຳ​ຫລວດ​​ຈະ​ລາ​ຈອນ ກະ​ຊວງ​ປ້ອງ​ກັນ​ຄວາມ​ສະ​ຫງົບ ຄ​ະ​ນະ​ກຳ​ມະ​ການ​ແຫ່ງ​ຊາດ​ດ້ານ​ຄວາມ​ປອດ​ໄພ​ທາງ​ຫຼວງ ພ້ອມ​ດ້ວຍ​ພາກ​ສ່ວນ​ທີ່​ກ່ຽວ​ຂ້ອງ​ເຂົ້າ​ຮ່ວມ.

ທ່ານ ວິ​ໄລ​ພັນ ໄຊ​ຍະ​ວົງ ໄດ້​ກ່າວ​ວ່າ: ການ​ຈັດ​ງານ​ສັບ​ປະ​ດາ​ແຫ່ງ​ຊາດ​ດ້ານ​ການ​ຂັ​ບ​ຂີ່​ປອດ​ໄພ​ທາງ​ຖະ​ໜົ​ນ​ຄັ້ງ​ນີ້​ຈະ​ຈັດ​ຂຶ້ນ​ລະ​ຫວ່າງວັນ​ທີ 1-7 ເມ​ສາ 2019 ເພື່ອ​ປຸກ​ລະ​ດົມ​ໃຫ້​ທຸກ​ພ​າກ​ສ່ວນ ແລະ ທຸກ​ຊັ້ນ​ຄົນ​ໃນ​ສັງ​ຄົມ​ໃຫ້​ຄວາມ​ສຳ​ຄັນ​ໃນ​ການ​ປະ​ຕິ​ບັດ​ກົດ​ລະ​ບຽບ​ຈະ​ລາຈອນ​ເວ​ລາ​ຂັບ​ຂີ່​ຕາມ​ທ້ອງ​ຖະ​ໜົ​ນ ແລະ ເຫັນ​ເຖິງ​ໄພ​ອັນ​ຕະ​ລາຍ​ຈາກ​ການ​ເກີດ​ອຸ​ບັດ​ເຫດ ເຊິ່ງ​ໄດ້​ສ້າງ​ຄວາມ​ເສຍ​ຫາຍ​ເປັນ​ຈຳ​ນວນ​ຫຼວ​ງ​ຫຼາຍ​ຕໍ່​ຊີ​ວິດ ແລະ ຊັບ​ສິນ.

ງານ​ສັບ​ປະ​ດາ​ຄັ້ງ​ນີ້ ​ມີ​ກິດ​ຈະ​ກຳ​ຫຼາກ​ຫຼາຍ​ລາຍ​ການ​ເປັນ​ຕົ້ນ:

  • ວັນ​ທີ 1 ເມ​ສາ​ເປັນ​ຕົ້ນ​ໄປ​ຈະ​ມີ​ການ​ໂຄ​ສະ​ນາ​ຄວາມ​ປອດ​ໄພ​ຕາມ​ທ້ອງ​ຖະ​ໜົນ​ຜ່ານ​ສື່​ຕ່າງໆ.
  • ວັນ​ທີ 4 ເມ​ສາ ຈະຈັດ​ກິດ​ຈະ​ກຳ​ຢູ່​ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ລາວ.
  • ວັນ​ທີ 5 ເມ​ສາ​ຈະ​ຈັດ​ກິ​ດ​ຈະ​ກຳ​ຢູ່​ວິ​ທະ​ຍາ​ໄລ​ການ​ຊ່​າງ​ປາ​ກ​ປາ​ສັກ.
  • ວັນ​ທີ 6 ເມ​ສາ ເວ​ລາ 5-8 ໂມງ​ເຊົ້າ ທີ່​ສວນ​ສາ​ທາ​ລະ​ນະ​ປະ​ຕູ​ໄຊ ໄດ້​ມີ​ພິ​ທີ​ໂຮມ​ຊຸມ​ນຸມ​ເພື່ອ​ສະ​ເຫຼີມ​ສະ​ຫຼອງ​ສັບ​ປະ​ດາດ້ານ​ຄວາມ​ປອດ​ໄພ​ທາງ​ຖະ​ໜົນ​ພາຍ​ໃຕ້​ຄຳ​ຂັວນ: ຊີ​ວິດ​ປອດ​ໄພ​ຮ່ວມ​ໃຈ​ປ້ອງ​ກັນ​ອຸ​ບັດ​ເຫດ.

ສຳ​ລັ​ບ​ສະ​ຖິ​ຕິ​ອຸ​ບັດ​ເຫດ​ປີ 2018 ຖ້າ​ທຽບ​ໃສ່​ປີ 2017 ມີ​ອັດ​ຕາ​ການ​ເພີ່​ມ​ຂຶ້ນ 2%, ສ່ວນ​ພາ​ຫະ​ນະ​ເປ່​ເພປີ 2018 ແມ່ນ 10.582 ຄັນ ທຽບ​ໃສ່ ​ປີ 2017 ແມ່ນ​ຫຼຸດ​ລົງ 159 ຄັນ, ອັດ​ຕາ​ຄົນ​ໄດ້​ຮັບ​ບາດ​ເຈັບ ປີ 2018 ແມ່ນ 9.372 ຄົນ ທຽບ​ໃສ່​ປີ 2017 ແມ່ນ​ຫຼຸດ​ລົງ 268 ຄົນ ແລະ ອັດ​ຕາ​ການ​ເສຍ​ຊ​ີ​ວິດ​ປີ 2018 ແມ່ນ 995 ຄົນ​ທຽບ​ໃສ່​ປີ 2017 ຫຼຸດ​ລົງ 58 ຄົນ.

ຂຽນໂດຍ: ແຟນຊິສ ສະຫວັນຄຳ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...