spot_img
Homeຂ່າວພາຍ​ໃນລັດຖະບານນອກ​ແວ ຈະສືບຕໍ່ໃຫ້​ການ​ຊ່ວຍ​ເຫຼືອ ວຽກການເກັບ​ກູ້​ລະ​ເບີດ​ບໍ່​ທັນ​ແຕກ ຢູ່ ສປປ ລາວ

ລັດຖະບານນອກ​ແວ ຈະສືບຕໍ່ໃຫ້​ການ​ຊ່ວຍ​ເຫຼືອ ວຽກການເກັບ​ກູ້​ລະ​ເບີດ​ບໍ່​ທັນ​ແຕກ ຢູ່ ສປປ ລາວ

Published on

ລັດຖະບານນອກ​ແວ ໄດ້ສືບໃຫ້​ການ​ຊ່ວຍ​ເຫຼືອ​ເພື່ອ​ມະ​ນຸດ​ສະ​ທຳ​ສາ​ກົນ ໃນ​ມູນ​ຄ່າ 4 ແສນ​ໂດ​ລາ​ສະ​ຫະລັດ ​ເຂົ້າໃນວຽກງານເກັບ​ກູ້​ລະ​ເບີດ​ບໍ່​ທັນ​ແຕກ​ ຢູ່​ໃນ​ສອງແຂວງ​ຂອງລາວ ​ຄື: ແຂວງ ຫຼວງ​ພະ​ບາງ ແລະ ແຂວງ ຊຽງ​ຂວາງ ໃນ​ໄລຍະປີ 2018-2020.

ທ່ານ ດັກອິນ ອຸນສະເຕນ (Dag-Inge Ulstein), ລັດ​ຖະ​ມົນ​ຕີ ວຽກງານ​ພັດ​ທະ​ນາ​ສາ​ກົນ, ກະ​ຊວງ​ການ​ຕ່າງ​ປະ​ເທດ ແຫ່ງ ຣາ​ຊະ​ອາ​ນາ​ຈັກ ນອກ​ແວ ພ້ອມດ້ວຍຄະນະ ໄດ້ເຂົ້າພົບປະ ທ່ານ ສະ​ເຫຼີມ​ໄຊ ກົມ​ມະ​ສິດ, ລັດ​ຖະ​ມົນ​ຕີ ​ກະ​ຊວງ​ການ​ຕ່າງ​ປະ​ເທດ ແຫ່ງ ສ​ປ​ປ ລາວ ໃນ​ວັນ​ທີ 29 ມີ​ນາ 2019, ໃນໂອກາດທີ່ເດີນທາງມາຢ້ຽມ​ຢາມ ສ​ປ​ປ ລາວ ຢ່າງເປັນທາງການ.

ໃນ​ໄລ​ຍະ​ຜ່ານ​ມາ ຈົນ​ເຖິງ​ປັດ​ຈຸ​ບັນ, ລັດຖະບານນອກ​ແວ ໄດ້ໃຫ້​ການ​ຊ່ວຍ​ເຫຼືອ ຫຼາຍຂະແໜງການແກ່ ສປປ ລາວ ເຊັ່ນ: ໂຄງ​ການ​ໄຟ​ຟ້າ​ນ້ຳ​ຕົກ, ກົດ​ໝາຍ, ການ​ສຶກ​ສາ, ສາທາລະນະສຸກຂັ້ນພື້ນຖານ, ການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ, ການພັດທະນາຊັບພະຍາກອນມະນຸດ ແລະ ການສະໜັບສະໜູນພາກລັດ, ໂດຍສະເພາະ ​ແມ່ນການ​ໃຫ້​ຄວາມ​ຊ່ວຍ​ເຫຼືອ​ ໃນ​ການ​ເກັບ​ກູ້​ລະ​ເບີດ​ບໍ່​ທັນ​ແຕກ ​ທີ່​ຍັງ​ຢັ່ງ​ຢາຍ​ຢູ່​ທົ່ວ​ທຸກ​ພາກ​ຂອງ ສ​ປ​ປ ລາວ, ລວມມູນຄ່າ 26 ລ້ານໂດລາສະຫາລັດ ໃນໄລຍະປີ 2008-2013.

ໃນໄລ​ຍະ​ປີ 2014 – 2016, ນອກ​ແວ ໄດ້​ໃຫ້​ການ​ຊ່ວຍ​ເຫຼືອ​ເພື່ອ​ມະ​ນຸດ​ສະ​ທຳ​ສາ​ກົນ​ ໃນການເກັບ​ກູ້​ລະ​ເບີດ​ບໍ່​ທັນ​ແຕກ​ໃນ​ມູນ​ຄ່າ 1,4 ລ້ານໂດ​ລາ​ສະ​ຫະລັດ ແລະ ໃນ​ໄລ​ຍະ​ປີ 2018-2020 ໃນ​ມູນ​ຄ່າ 4 ແສນ​ໂດ​ລາ​ສະ​ຫະ​ລັດ ຢູ່​ໃນ​ແຂວງ​ຈຸດ​ຊຸມ ​ຄື: ແຂວງ ຫຼວງ​ພະ​ບາງ ແລະ ແຂວງ ຊຽງ​ຂວາງ.

ນອກນັ້ນ, ໃນຂອບເຂດອາຊຽນ, ນອກແວ ໃນຖານະເປັນປະເທດຄູ່ຮ່ວມມື ຂະແໜງການກັບອາຊຽນ (ASEAN Sectoral Dialogue Partner), ໄດ້ມີການເຄື່ອນໄຫວຢ່າງຕັ້ງໜ້າໃນການເສີມຂະຫຍາຍການພົວພັນກັບອາຊຽນ, ອັນພົ້ນເດັ່ນແມ່ນໃນ ປີ 2016 ມູນຄ່າການຄ້າ ອາຊຽນ-ນອກແວ ມີເຖິງ 4.1 ຕື້ໂດລາສະຫະລັດ,  ການລົງທຶນຈາກ ນອກແວ ຢູ່ ອາຊຽນ ມີມູນຄ່າ 25.5 ລ້ານໂດລາສະຫະລັດ, ການສົ່ງອອກຂອງອາຊຽນ ໄປຍັງປະເທດ ນອກແວ ມີມູນຄ່າ 2 ຕື້ໂດລາສະຫະລັດ.

ຂຽນໂດຍ: ແຟນຊິສ ສະຫວັນຄຳ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...