ຄວາມຮູ້ກ່ຽວກັບປະກັນໄພມື້ນີ້ທາງລາວໂພສຈະຍົກປະເດັນ ກໍລະນີຕອນເຮັດປະກັນໄພທຳອິດ ແລະ ໜັງສືລົດຍັງບໍ່ທັນໝົດອາຍຸ ຫຼັງຈາກເຮັດປະກັນໄພແລ້ວໄລຍະໜຶ່ງລົດເກີດອຸບັດຕິເຫດ ເຈົ້າໜ້າທີ່ປະກັນມາກວດເບິ່ງເອກະສານແລ້ວພົບວ່າໜັງສືລົດຂອງຜູ້ປະກັນໝົດອາຍຸທາງປະກັນໄພຍັງຄຸ້ມຄອງສິດຂອງຜູ້ປະກັນໄພ ຫຼື ບໍ່?
ໃນກໍລະນີດັ່ງກ່າວ ທາງກົມຄຸ້ມຄອງ, ພັດທະນາລັດວິສາຫະກິດ ແລະ ການປະກັນໄພ (ຄລປ) ໄດ້ມີຄຳຕອບກ່ຽວກັບເລື່ອງນີ້ວ່າ ໃນກໍລະນີດັ່ງກ່າວ ແມ່ນຂຶ້ນກັບເງື່ອນໄຂຂອງສັນຍາປະກັນ, ເຊິ່ງຖ້າຫາກບໍ່ໄດ້ມີການກຳນົດຢ່າງລະອຽດກ່ຽວກັບການໝົດອາຍຸຂອງເອກະສານລົດກໍ່ຖືວ່າຜູ້ຊື້ປະກັນບໍ່ໄດ້ຮັບການທົດແທນຄ່າເສຍຫາຍທີ່ເກີດຂຶ້ນ ເພາະຖືວ່າສັນຍາດັ່ງກ່າວແມ່ນຄຸ້ມຄອງຕາມໄລຍະເວລາທີ່ໄດ້ເຮັດສັນຍາຕົກລົງນຳກັນລະຫວ່າງເຈົ້າຂອງຍານພາຫະນະ (ຜູ້ຊື້ປະກັນ) ແລະ ບໍລິສັດປະກັນໄພ.
ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມຄຸ້ມຄອງ, ພັດທະນາລັດວິສາຫະກິດ ແລະ ການປະກັນໄພ (ຄລປ)