ທີມງານລາວໂພສ ໄດ້ເຮັດເອກະສານໄປຂໍຂໍ້ມູນນຳທາງກົມຄຸ້ມຄອງ, ພັດທະນາລັດວິສາຫະກິດ ແລະ ການປະກັນໄພ (ຄລປ) ເພື່ອຫາຄຳຕອບກ່ຽວກັບປະເດັນນີ້. ເຊິ່ງທາງ ຄລປ ໄດ້ໃຫ້ຂໍ້ມູນກັບທາງເຮົາວ່າ ອີງຕາມກົດໝາຍວ່າດ້ວຍການຈາລະຈອນທາງບົກ ແມ່ນກຳນົດໃຫ້ຍານພາຫະນະທຸກຊະນິດຕ້ອງມີການປະກັນໄພ ເຊິ່ງກໍ່ລວມເຖິງລົດຈັກ. ສຳລັບການປັບໄໝໃນກໍລະນີເຈົ້າຂອງລົດບໍ່ມີປະກັນໄພ ກໍ່ຕ້ອງເສຍຄ່າປັບໄໝຕາມທີ່ໄດ້ກຳນົດໃນໝວດທີ 4, ມາດຕາ 29 ຂອງດຳລັດວ່າດ້ວຍການປັບໄໝ ແລະ ມາດຕະການຕ່າງໆຕໍ່ຜູ້ລະເມີດກົດໝາຍກ່ຽວກັບການຈາລະຈອນທາງບົກ, ການຂົນສົ່ງທາງບົກ ແລະ ການປົກປັກຮັກສາທາງຫຼວງ ສະບັບເລກທີ 188/ນຍ, ລົງວັນທີ 03/07/2007 (ສຳລັບການຈັດຕັ້ງປະຕິບັດຕົວຈິງແມ່ນອີງໃສ່ການວິນິດໄສຂອງເຈົ້າໜ້າທີ່ທີ່ກ່ຽວຂ້ອງ).

ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ:  ກົມຄຸ້ມຄອງ, ພັດທະນາລັດວິສາຫະກິດ ແລະ ການປະກັນໄພ (ຄລປ)