ທະນາຄານແຫ່ງຊາດມຽນມ້າ ປະກາດອະນຸມັດໃຫ້ທະນາຄານຕ່າງຊາດ 9 ລາຍ ສາມາດເຂົ້າດຳເນີນການພາຍໃນ
ປະເທດໄດ້ ເປັນຄັ້ງທຳອິດໃນຮອບຫລາຍທົດສະວັດ.
ສຳນັກຂ່າວຕ່າງປະເທດລາຍງານ ໃນວັນທີ 1 ຕຸລາ 2014 ຜ່ານມາວ່າ ທະນາຄານຕ່າງຊາດ ຈຳນວນ 9 ລາຍທຳອິດ
ນີ້ ແມ່ນລ້ວນມາຈາກພູມີພາກອາຊີ – ປາຊີຟິກ ເຊິ່ງລວມທັງກຸ່ມທະນາຄານອົດສະຕາລີ ແລະ ນິວຊີແລນ (ANZ),
ທະນາຄານການຄ້າອຸດສາຫະກຳແຫ່ງປະເທດຈີນ (ICBC) ແລະ ທະນາຄານໂຕກຽວ-ມິດຊູບິຊິ ຢູເອັບເຈ ຂອງຍີ່ປຸ່ນ.
ຄຳຖະແຫລງຂອງທະນາຄານແຫ່ງຊາດມຽນມ້າລະບຸວ່າ ຄະນະກຳມະການອອກໃບອະນຸຍາດ ໄດ້ຕັດສິນໃຈທີ່ຈະອະ
ນຸຍາດເບື້ອງຕົ້ນ ເພື່ອກຽມຄວາມພ້ອມສຳລັບການເລີ່ມຕົ້ນດຳເນີນກິດຈະການຂອງທະນາຄານຕ່າງຊາດ 9 ລາຍ
ໃນປະເທດມຽນມ້າ ແລະ ຄາດຫວັງວ່າ ທະນາຄານຕ່າງໆຈະຍັງຄົງມີສ່ວນຮ່ວມຢ່າງຕໍ່ເນື່ອງ ໃນການພັດທະນາພາກ
ການເງິນ ແລະ ເສດຖະກິດໃນປະເທດ.
ທະນາຄານແ່ຫງຊາດມຽນມ້າຍັງໄດ້ລະບຸອີກວ່າ ທະນາຄານທັງໝົດ ຈະສາມາດດຳເນີນກິດຈະການໄດ້ ໃນຊ່ວງໄລຍະ
ເວລາ 12 ເດືອນ ເພື່ອທົດລອງ ກ່ອນທີ່ຈະໄດ້ຮັບໃບອະນຸຍາດສຸດທ້າຍອີກເທື່ອໜຶ່ງ ເພື່ອໃຫ້ດຳເນີນທຸລະກິດໃນມຽນ
ມ້າ.