“ເມີເຊີ” ຈັດອັນດັບຄຸນນະພາບຊີວິດດີທີ່ສຸດໃນໂລກປະຈຳປີ 2019 ຜົນປະກົດວ່າ ນະຄອນຫຼວງວຽນນາ ເມືອງຫຼວງຂອງປະເທດ ໂອຕຣິດ ຍັງຢູ່ອັນດັບທີ 1 ເປັນປີທີ 10 ຕິດຕໍ່ກັນ, ອັນດັບ 2 ຄື ເມືອງ ຊູຣິດ ປະເທດສະວິດ, ສ່ວນອັນດັບ 3 ມີເມືອງ ໂອກແລນ ຂອງປະເທດນູແວນເຊລັງ, ເມືອງ ມິວນິກ ຂອງປະເທດເຢຍລະມັນ ແລະ ເມືອງ ແວນຄູເວີ ປະເທດການາດາ.

ສຳລັບອາຊຽນ ເມືອງທີ່ໜ້າຢູ່ທີ່ສຸດຄື ສິງກະໂປ ຢູ່ໃນອັນດັບ 25 ຂອງໂລກ ຮອງລົງມາກໍ່ແມ່ນ ນະຄອນຫຼວງກົວລາລຳເປີ ປະເທດ ມາເລເຊຍ ຢູ່ໃນອັນດັບ 85 ຂອງໂລກ.

ສຳລັບການຈັດອັນດັບເມືອງທີ່ໜ້າຢູ່ທີ່ສຸດຂອງ ເມີເຊີ ເປັນການຈັດອັນດັບຈາກ 231 ເມືອງທົ່ວໂລກ ໂດຍພິຈາລະນາຄວາມໝັ້ນຄົງທາງການເມືອງ, ອັດຕາອາຊະຍາກຳ, ລະບົບສາທາລະນະສຸກ, ການສຶກສາ, ກິດຈະກຳຕ່າງໆ ແລະ ລະບົບການຂົນສົ່ງສາທາລະນະ ທີ່ດີທີ່ສຸດໃນໂລກ.

ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: news.mthai.com