ເຮືອບັນທຸກຕູ້ສິນຄ້າ 2 ລຳ ຕຳກັນກາງຄອງຊູແອດໃນອີຢິບ ເຮັດໃຫ້ການເດີນເຮືອມີປັນຫາທັງເສັ້ນທາງ.
ສຳນັກຂ່າວຕ່າງປະເທດລາຍງານ ໃນວັນທີ 2 ຕຸລາຜ່ານມານີ້ວ່າ ເມື່ອວັນທີ 29 ກັນຍາ 2014 ເກີດເຫດເຮືອບັນທຸກ
ສິນຄ້າເອັມວີ ໂຄລົມໂບ ເອັກສ໌ເພຣສ໌ ຂອງເຢຍລະມັນ ແລະ ເຮືອເອັມວີ ເມີກໄລນ໌ ຂອງສິງກະໂປ ຕຳກັນບໍລິເວນ
ຕອນເໜືອສຸດຂອງຄອງຊູແອດໃນປະເທດອີຢິບ ເຮັດໃຫ້ການເດີນເຮືອຂົນສົ່ງສິນຄ້າ ທັງຂາຂຶ້ນ ແລະ ຂາລ່ອງຕ້ອງ
ຊັກຊ້າກ່ວາເວລາທີ່ກຳນົດໄວ້.
ບໍລິສັດອິນເຊບ ຕົວແທນຜູ້ໃຫ້ບໍລິການຂົນສົ່ງສິນຄ້າທາງທະເລ ໄດ້ອອກມາເປີດເຜີຍວ່າ ບໍ່ມີຜູ້ໃດໄດ້ຮັບບາດເຈັບ
ຫລື ເສຍຊີວິດຈາກອຸບັດເຫດຄັ້ງນີ້ ມີພຽງແຕ່ເຮືອໂຄລົມໂບ ເອັກສ໌ເພຣສ໌ ທີ່ມີຮອຍບຸ້ມດ້ານຊ້າຍຂອງເຮືອ ແລະ
ເຮັດໃຫ້ຕູ້ຄອນເທັນເນີ້ ຕົກລົງໄປໃນທະເລເຖິງ 4 ຕູ້.