ທ່ານ ມາກ ຊັກເຄີເບີກ ຊີອີໂອ ແລະ ຜູ້ກໍ່ຕັ້ງ ເຟສບຸກ ເປີດເຜີຍຜ່ານບລັອກສ່ວນຕົວເມື່ອວັນພຸດທີ່ຜ່ານມາວ່າ ເຂົາຕ້ອງການພັດທະນາໃຫ້ເຟສບຸກເປັນ “ແພລດຟອມທີ່ເນັ້ນຄວາມເປັນສ່ວນຕົວ” ໂດຍອາດພັດທະນາໃຫ້ເປັນໄປໃນທິດທາງຂອງແພລດ ຟອມຮັບສົ່ງຂໍ້ຄວາມທີ່ຕ້ອງເຂົ້າລະຫັດ ເພາະເຫັນວ່າ ໃນອະນາຄົດຜູ້ຄົນຕ້ອງການແຊັດແບບເປັນສ່ວນຕົວຫຼາຍກວ່າ.
ເຖິງແມ່ນວ່າການປ່ຽນແປງນີ້ອາດເຮັດໃຫ້ບໍລິການຂອງເຟສບຸກຖືກບລັອກໃນບາງປະເທດ ແຕ່ການສົ່ງຂໍ້ຄວາມທີ່ມີການເຂົ້າລະຫັດຈະເປັນເຄື່ອງມືທີ່ສຳຄັນຂອງທຸລະກິດໃໝ່ເຊັ່ນ: ການຊຳລະເງິນອອນລາຍ ແລະ ການຊື້-ຂາຍສິນຄ້າ.
ເນື່ອງຈາກທີ່ຜ່ານມາ ເຟສບຸກຕ້ອງປະເຊີນໜ້າກັບປະເດັນການລະເມີດຄວາມເປັນສ່ວນຕົວຂອງຜູ້ໃຊ້ ແລະ ການເຜີຍແຜ່ເນື້ອຫາທີ່ຮຸນແຮງ ລວມເຖິງຂ່າວລື ເມື່ອປີ 2018 ເຟສບຸກຍອມຮັບວ່າ ຂໍ້ມູນຂອງຜູ້ໃຊ້ປະມານ 50 ລ້ານຄົນ ຖືກບໍລິສັດໃຫ້ຄຳປຶກສາດ້ານການເມືອງ “ເຄມບຣິດ ອະນາໄລຕິກາ” ນຳໄປໃຊ້ລະຫວ່າງຫາສຽງເລືອກຕັ້ງປະທານາທິບໍດີສະຫະລັດ ເມື່ອປິ 2017 ຈົນເຮັດໃຫ້ມູນຄ່າຫຸ້ນເຟສບຸກຕົກລົງເກືອບ 8 ໝື່ນລ້ານໂດລາ ໃນຊ່ວງເວລາບໍ່ພໍເທົ່າໃດມື້ຂອງເດືອນມີນາປີທີ່່ຜ່ານມາ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: news.mthai.com