2018 ເປັນອີກປີໜຶ່ງທີ່ ສປປ ລາວ ສາມາດບັນລຸຕົວເລກການຄ້າທີ່ສູງ ປະຕິບັດໄດ້ປະມານ 11,25 ຕື້ໂດລາ ແຕ່ໃນພາບລວມແລ້ວປະເທດເຮົາຍັງຂາດດູນການຄ້າກັບຕ່າງປະເທດເລັກໜ້ອຍ ເນື່ອງຈາກວ່າລາວເປັນປະເທດນ້ອຍ ກຳລັງການຜະລິດເພື່ອສົ່ງອອກບໍ່ທັນຫຼາຍ ແລະ ພວມຢູ່ໃນໄລຍະສ້າງສາພັດທະນາ ເຊິ່ງມີຄວາມຕ້ອງການນຳເຂົ້າສິນຄ້າຈຳນວນຫຼາຍ.
ສຳລັບຍອດມູນຄ່າການນຳເຂົ້າ ແລະ ສົ່ງອອກ ຂອງ ສປປ ລາວ ປີ 2018 ປະຕິບັດໄດ້ປະມານ 11,25 ຕື້ໂດລາ ໃນນັ້ນ, ມູນຄ່າການນຳເຂົ້າປະຕິບັດໄດ້ປະມານ 5,84 ຕື້ໂດລາ ແລະ ສົ່ງອອກໃນມູນຄ່າ 5,41 ຕື້ໂດລາ.
ສິນຄ້າສົ່ງອອກຫຼັກຂອງ ສປປ ລາວ ປະຈຳປີ 2018 ປະກອບມີ: ໄຟຟ້າ 26,03%, ແຮ່ທອງ 13,08%, ທອງແດງ ແລະ ເຄື່ອງຂອງທີ່ເຮັດດ້ວຍທອງແດງ 8,79%, ໂຄງຮ່າງ ແລະ ຊິ້ນສ່ວນກ້ອງບັນທຶກພາບ 5,11%, ເຄື່ອງດື່ມ 4,55%, ເຄື່ອງນຸ່ງຫົ່ມ3,57%, ຢາງພາລາ 3,11%.
ສິນຄ້າທີ່ ສປປ ລາວ ສົ່ງອອກນອກປະເທດມີ ໄທ 46,90%, ສປ ຈີນ 25,99%, ສສ ຫວຽດນາມ 16,36%, ອິນເດຍ 2,38%, ຍີ່ປຸ່ນ 1,60%, ເຢຍລະມັນ 1,38%.
ສ່ວນການນຳເຂົ້າສິນຄ້າສ່ວນໃຫຍ່ແມ່ນນຳເຂົ້າຈາກປະເທດໄທ 56,08%, ສປ ຈີນ 23,62%, ສສ ຫວຽດນາມ 11,86%, ຍີ່ປຸ່ນ 2,04%, ສ.ເກົາຫຼີ 1,11%, ອິນໂດເນເຊຍ 0,27%.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມພາສີ, ການຊວງການເງິນ, ໜັງສືພິມເສດຖະກິດ-ການຄ້າ.