ສຳນັກຂ່າວ ຊິນຫົວ ເປີດເຜີຍຄວາມກ້າວໜ້າໃໝ່ຫຼ້າສຸດຂອງຜູ້ປະກາດຂ່າວປັນຍາປະດິດ ຫຼື AI ເຊິ່ງເກີດຈາກການຮ່ວມກັນພັດທະນາຂອງສຳນັກຂ່າວຊິນຫົວ ແລະ ໂຊວໂກ່ວ (Sogou) ບໍລິສັດຜູ້ຜະລິດເວັບໄຊຄົ້ນຫາຂໍ້ມູນລາຍໃຫຍ່ສັນຊາດຊາດຈີນ.
ຜູ້ປະກາດຂ່າວເພດຊາຍມີນາມວ່າ ທ້າວ ຊິນ ສ່ຽວຫ່າວ (Xin Xiaohao) ກ່າວເຖິງຄວາມສາມາດໃໝ່ຂອງຕົນ ທີ່ສາມາດລາຍງານຂ່າວພ້ອມສະແດງທ່າທາງ ແລະ ສີໜ້າໃນທ່າຍືນ.
https://www.facebook.com/XinhuaNewsAgency.th/videos/361332101379625/?v=361332101379625
ເຊິ່ງກ່ອນໜ້ານີ້, ສຳນັກຂ່າວຊິນຫົວຫາກໍ່ໄດ້ເປີດຕົວ ນາງ ຊິນ ສ່ຽວເໝິງ ຜູ້ປະກາດຂ່າວ AI ເພດຍິງຄົນທຳອິດຂອງໂລກໃນທ້າຍປີ 2018. ວັນທີ 20 ກຸມພາ 2019 ທີ່ຜ່ານມາ ສ້າງຄວາມຮືຮາທົ່ວທັງວົງການນັກຂ່າວດ້ວຍການເປີດຕົວຜູ້ປະກາດຂ່າວ AI ເພດຊາຍຄົນທຳອິດຂອງໂລກ.
ຮຽກໄດ້ວ່າຈີນມີການເດີນໜ້າພັດທະນາເຕັກໂນໂລຢີປັນຍາປະດິດຢ່າງຕໍ່ເນື່ອງ ແລະ ສ້າງສັນຜົນງານອັນໜ້າປະຫຼາດໃຈຈົນແຍກບໍ່ອອກວ່າພາບທີ່ເຫັນນັ້ນ ເປັນ ຄົນແທ້ ຫຼື ຄົນປອມ ນັ້ນເອງ.
ທັງນີ້, ສຳນັກຂ່າວຊິນຫົວ ລະບຸວ່າ ຜູ້ປະກາດຂ່າວ AI ຈະສາມາດເຮັດວຽກໄດ້ຕະຫຼອດ 24 ຊົ່ວໂມງ ແລະ ສາມາດເຂົ້າໄປມີບົດບາດໃນການລາຍງານຂ່າວທຸກຮູບແບບທັງໃນເວັບໄຊທາງການ ຫຼື ສື່ສັງຄົມອອນລາຍ ຈຶ່ງເປັນການຫຼຸດຕົ້ນທຶນ ແລະ ເພີ່ມປະສິດທິພາບໃນການເຮັດວຽກໄດ້ເປັນຢ່າງດີ.
https://www.facebook.com/XinhuaNewsAgency.th/videos/343217093205019/?v=343217093205019
ຮຽບຮຽງຂ່າວ: ບຸດສະດີ ສາຍນໍ້ມັດ
ແຫຼ່ງຂໍ້ມູນ: sanook