ເຈົ້າໜ້າທີ່ກອງທັບອາກາດສະຫະລັດເປີດເຜີຍວ່າ ນັບຕັ້ງແຕ່ເດືອນສິງຫາຜ່ານມາ ໄດ້ສົ່ງອາກາດສະຍານອອກປະຕິບັດ

ພາລະກິດຖະຫລົ່ມ IS ໃນອີຣັກ ແລະ ຊີເຣຍແລ້ວ ປະມານ 4,100 ຖ້ຽວ.

ສຳນັກຂ່າວຕ່າງປະເທດລາຍງານ ໃນວັນທີ 30 ກັນຍາ 2014 ນີ້ວ່າ ອາກາດສະຍານປະມານ 4,100 ຖ້ຽວຂອງກອງທັບສະ

ຫະລັດນັ້ນ ໃນຈຳນວນດັ່ງກ່າວ ແມ່ນລວມເຖິງເຮືອບິນສາລະເວ, ເຮືອບິນຕື່ມເຊື້ອໄຟທາງອາກາດ ແລະ ເຮືອບິນຖິ້ມລະ

ເບີດ.  ການສົ່ງຖ້ຽວບິນອອກໄປຢ່າງຖີ່ແບບນີ້ ສະທ້ອນໃຫ້ເຫັນວ່າ ປະຕິບັດການທາງອາກາດ ພາຍໃຕ້ການນຳຂອງສະ

ຫະລັດອາເມຣິກາ ກຳລັງຂະຫຍາຍວົງກວ້າງອອກ ຈາກທີ່ວໍຊິງຕັນໄດ້ເປົ້າໝາຍເອົາໄວ້ກ່ອນໜ້ານີ້.

ເຈົ້າໜ້າທີ່ກອງທັບສະຫະລັດ ເຊິ່ງບໍ່ຂໍເປີດເຜີຍຊື່ໄດ້ໃຫ້ສຳພາດກັບຜູ້ສື່ຂ່າວຂອງຕ່າງປະເທດວ່າ ນອກຈາກການສົ່ງຖ້ຽວ

ບິນໄປກ່ວາ 4,000 ຖ້ຽວ ໃນຊ່ວງເວລາບໍ່ເຖິງ 2 ເດືອນແລ້ວ ບັນດາກຸ່ມປະເທດພັນທະມິດຊາດອາຫລັບ ກໍໄດ້ສົ່ງຖ້ຽວບິນ

ໄປປະຕິບັດການທາງອາກາດໃນຊີເຣຍແລ້ວ ປະມານ 40 ຖ້ຽວ ນັບຕັ້ງແຕ່ເລີ່ມເປີດສາກການໂຈມຕີເປັນຕົ້ນມາ.