Homeຂ່າວພາຍ​ໃນອຸດົມໄຊມີຄວາມພ້ອມແລ້ວ ສຳລັບງານມະຫະກຳກິລາແຫ່ງຊາດຄັ້ງທີ X

ອຸດົມໄຊມີຄວາມພ້ອມແລ້ວ ສຳລັບງານມະຫະກຳກິລາແຫ່ງຊາດຄັ້ງທີ X

Published on

 

ໃນວັນທີ 25 ກັນຍາຜ່ານມາ ຢູ່ໂຮງແຮມລ້ານຊ້າງນະຄອນຫລວງວຽງຈັນ ໄດ້ຈັດພິທີຖະແຫລງຂ່າວກ່ຽວກັບຄວາມພ້ອມ

ໃນການຈັດງານມະຫະກຳກິລາແຫ່ງຊາດຄັ້ງທີ X ຢູ່ແຂວງອຸດົມໄຊ, ໂດຍການເຂົ້າຮ່ວມຂອງ ທ່ານ ດຣ. ພັນຄຳ ວິພາວັນ

ຮອງນາຍົກລັດຖະມົນຕີ ລັດຖະມົນຕີວ່າການກະຊວງສຶກສາທິການ ແລະ ກິລາ, ທ່ານ ຄຳຫລ້າ ລີ້ງນະສອນ ເຈົ້າແຂວງອຸ

ດົມໄຊ ພ້ອມດ້ວຍຄະນະຮັບຜິດຊອບຈັດງານດັ່ງກ່າວ, ຜູ້ອຳນວຍການບໍລິສັດ, ຫ້າງຮ້ານຕ່າງໆທີ່ໃຫ້ການອຸປະຖຳເຂົ້າ

ຮ່ວມເປັນຈຳນວນຫລາຍ.

 

ທ່ານເຈົ້າແຂວງອຸດົມໄຊ ລາຍງານວ່າ: ມະຫະກຳກິລາແຫ່ງຊາດຄັ້ງທີ X ຈັດຂຶ້ນເພື່ອເປັນການພັດທະນາກິລາລາວຕາມ

ແນວທາງນະໂຍບາຍຂອງພັກ-ລັດ ແລະ ທັງເປັນການທົດສອບກຳລັງກິລາລາວ ເພື່ອເຂົ້າຮ່ວມແຂ່ງຂັນໃນກິລາອະນຸ

ພາກພື້ນ ແລະ ສາກົນ ພ້ອມນັ້ນຍັງເປັນການເຕົ້າໂຮມຄວາມສາມັກຄີບັນດາເຜົ່າໃນທົ່ວປະເທດ, ໂດຍຜ່ານການຈັດ

ງານມະຫາກຳກິລາແຫ່ງຊາດໃຫ້ເປັນກິລາເພື່ອສຸຂະພາບ, ມິດຕະພາບ ແລະ ເພື່ອການພັດທະນາ.

 

ມະຫະກຳກິລາແຫ່ງຊາດແມ່ນການຈັດຕັ້ງແຂ່ງຂັນກິລາທີ່ມາຈາກທຸກແຂວງ, ນະຄອນຫລວງກະຊວງ ແລະ ຂະແໜງ

ການຕ່າງໆໃນທົ່ວປະເທດ. ການແຂ່ງຂັນຈະໄດ້ຈັດຂຶ້ນໃນທຸກໆ 3 ປີ, ໂດຍແຕ່ລະແຂວງຈະໄດ້ຜັດປ່ຽນກັນເປັນເຈົ້າພາບ,

ເຊິ່ງໃນປີນີ້ແມ່ນແຂວງອຸດົມໄຊ ໄດ້ຮັບກຽດເປັນເຈົ້າພາບ ທີ່ຈະຈັດຂຶ້ນໃນລະຫວ່າງວັນທີ 13-21 ທັນວາທີ່ຈະມາເຖິງນີ້,

ຊຶ່ງໄດ້ກຳນົດເອົາ 25 ປະເພດກິລາເຂົ້າຮ່ວມແຂ່ງຂັນ ແລະ ລວມມີ 328 ລາຍການ, ຊຶ່ງໄດ້ກຳນົດເອົາຫລຽນທັງໝົດຈຳ

ນວນ 3.327 ຫລຽນເຊັ່ນ: ມີຫລຽນຄຳ 1.009 ຫລຽນ, ຫລຽນເງິນ 1.009 ຫລຽນ ແລະ ຫລຽນທອງ 1.909 ຫລຽນ ແລະ

ສຳລັບລາຍການທີ່ຈະສະແດງມື້ເປີດມີ 5 ລາຍການ, ມື້ປິດ 2 ລາຍການ. ພ້ອມນັ້ນ ໄດ້ກຳນົດເອົາເຄື່ອງໝາຍໂລໂກຂອງ

ງານ ແມ່ນພະທາດລັດຕະນະມິ່ງເມືອງຂອງແຂວງອຸດົມໄຊ ແລະ ສັດນຳໂຊກແມ່ນໂຕມ້າ, ຊຶ່ງເປັນສັນຍາລັກເຖິງຄວາມ

ແຂງແຮງ, ວ່ອງໄວ ແລະ ສວຍງາມເປັນສັດຄູ່ບ້ານຄູ່ເມືອງຂອງປະຊາຊົນລາວມາແຕ່ໃດໆ.

 

ໃນງານຖະແຫລງຂ່າວ ດັ່ງກ່າວຍັງມີບັນດາບໍລິສັດ, ວິສາຫະກິດທັງພາກລັດ ແລະ ເອກະຊົນ, ນັກທຸລະກິດ, ພໍ່ຄ້າຊາວ

ຂາຍທີ່ໄດ້ປະກອບສ່ວນສະໜັບສະໜູນເຂົ້າໃນງານມະຫະກຳກິລາແຫ່ງຊາດໃນຄັ້ງນີ້ຫລາຍກວ່າ 3 ຕື້ກີບແລ້ວ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...