ສຳນັກຂ່າວຕ່າງປະເທດ ໄດ້ເປີດເຜີຍເລື່ອງລາວຂອງຊາຍຈີນຄົນໜຶ່ງ ຈາກເມືອງກວາງໂຈວ ແຂວງກວາງຕຸ້ງ ເຊິ່ງເປັນ
ຄົນທີ່ມັກການຮັບປະທານປາດິບຫລາຍ ໂດຍເຂົາຈະກິນປາດິບຢ່າງເປັນປະຈຳ ຈົນກະທັງມື້ໜຶ່ງ ເຂົາເກີດອາການປວດ
ທ້ອງ ແລະ ຄັນຄາຍຕາມຜິວໜັງໂດຍບໍ່ຮູ້ສາເຫດ ຈິ່ງຟ້າວໄປພົບແພດເພື່ອຂໍກວດເບິ່ງອາການທີ່ໂຮງໝໍແຂວງກວາງ
ໂຈວ ເຊິ່ງພາຍຫລັງແພດໄດ້ສ່ອງໄຟຟ້າເບິ່ງແລ້ວກໍພົບວ່າ ມີພະຍາດກະຈາຍຢູ່ເຕັມທົ່ວຮ່າງກາຍຂອງລາວ.
ທັງນີ້ ແພດເຊື່ອວ່າພະຍາດເຫລົ່ານີ້ ແມ່ນໜ້າຈະມາຈາກການຮັບປະທານປາດິບຍີ່ປຸ່ນທີ່ບໍ່ສະອາດ ແລະ ມີໄຂ່ຂອງພະ
ຍາດເຊິ່ງຜູ້ຊ່ຽວຊານໄດ້ອະທິບາຍວ່າ ປາທະເລເຊັ່ນປາແຊວມອນ ທີ່ກິນໄຂ່ພະຍາດເຂົ້າໄປແລ້ວ ພະຍາດຈະໄປຕິດຢູ່ໃນ
ລຳໄສ້ຂອງປາ ກ່ອນທີ່ຈະລາມໄປຫາຊີ້ນຂອງປາ ແລະ ເມື່ອມີຄົນກິນປາດິບເຂົ້າໄປ ກໍຈະຮັບເອົາພະຍາດນັ້ນເຂົ້າສູ່ຮ່າງ
ກາຍດ້ວຍ ໂດຍມັນຈະແຊກຊຶມໄປທົ່ວຮ່າງກາຍ ເຊິ່ງບໍ່ພຽງແຕ່ວ່າຈະຢູ່ແຕ່ລະບົບທາງເດີນອາຫານເທົ່ານັ້ນ ພະຍາດ
ເຫລົ່ານີ້ສາມາດມີຊີວິດຢູ່ໄດ້ຫລາຍປີ ໃນຂະນະທີ່ຜູ້ທີ່ມີພະຍາດໃນຮ່າງກາຍອາດຈະບໍ່ຮູ້ສຶກໂຕ ແລະ ບໍ່ມີອາການໃດໆ
ຜິດປົກກະຕິຢູ່ດົນຫລາຍເດືອນ ຈົນກະທັງເມື່ອເລີ່ມສະແດງອາການຜິດປົກກະຕິ ກໍໝາຍເຖິງພະຍາດໄດ້ລຸກລາມ
ແຜ່ອອກໄປທົ່ວຮ່າງກາຍແລ້ວ ແລະ ຈະເປັນອັນຕະລາຍເຖິງຊີວິດ ຫາກພະຍາດເຂົ້າກະແສເລືອດ ແລະ ສະໝອງ.