ສຳນັກຂ່າວຕ່າງປະເທດລາຍງານ ໃນວັນທີ 27 ກັນຍາ 2014 ຜ່ານມາວ່າ ເກີດເຫດເດັກນ້ອຍ 14 ເດືອນຈົມນ້ຳເສຍຊີວິດ
ໃນຂະນະທີ່ແມ່ຟາງຫລິ້ນສະມາດໂຟນຢູ່.
ເດັກຜູ້ເຄາະຮ້າຍດັ່ງກ່າວ ອາໄສຢູ່ບ້ານເບົາອັນ ເມືອງເຊິນເຈິ້ນ ປະເທດຈີນ ໄດ້ຈົມນ້ຳໃນຖັງເສຍຊີວິດ ໃນຂະນະທີ່ແມ່
ຂອງລາວຊື່ ນາງ ຮວງ ອາຍຸ 23 ປີ ຟາງແຕ່ຫລິ້ນສະມາດໂຟນຢູ່, ໂດຍນາງໄດ້ເລົ່າວ່າ ນາງໄດ້ອາໄສຢູ່ໃນຫ້ອງເຊົ່າ ເນື້ອ
ທີ່ປະມານ 10 ຕາແມັດ ເຊິ່ງໂດຍປົກກະຕິແລ້ວ ນາງຈະວາງຖັງນ້ຳໄວ້ໃນຫ້ອງນ້ຳ 2 ຖັງ ເຊິ່ງເວລາທີ່ເກີດເຫດນັ້ນ ຖັງ
ໜ່ວຍໜຶ່ງເປັນຖັງເປົ່າ ສ່ວນອີກຖັງໜຶ່ງແມ່ນມີນ້ຳຢູ່ພຽງເລັກໜ້ອຍເທົ່ານັ້ນ.
ທັງນີ້ ໃນຂະນະທີ່ນາງກຳລັງຫລິ້ນສະມາດໂຟນຢູ່ ລູກຂອງນາງກໍກຳລັງຫລິ້ນນ້ຳຢູ່ໃນຫ້ອງນ້ຳ ທັນໃດນັ້ນ ເດັກນ້ອຍກໍ
ໄດ້ຕົກລົງໄປໃນຖັງນ້ຳ ແລະ ເສຍຊີວິດໃນທີ່ສຸດ, ເມື່ອນາງຮວງມາພົບເຫັນ ເຂົາກໍຈິ່ງຮີບອູ້ມເອົາລູກຕົນເອງໄປໂຮງໝໍ
ແຕ່ໂຊກຮ້າຍທີ່ເດັກນ້ອຍໄດ້ເສຍຊີວິດກ່ອນທີ່ຈະເດີນທາງມາໂຮງໝໍແລ້ວ.