ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 01-03 ກຸມພາ 2019 ຄວາມກົດດັນຂອງອາກາດໜາວເຢັນຈາກປະເທດຈີນຈະມີທ່າອ່ຽງເພີ່ມກຳລັງແຮງຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ ຫາ ແຮງ, ພ້ອມດຽວກັນນັ້ນ ກະແສລົມຕາເວັນອອກສຽງເໜືອພັດປົກຄຸມ, ເຊິ່ງຈະເຮັດໃຫ້ອຸນຫະພູມອາກາດເຢັນລົງ 1-3 ອົງສາ ຢູ່ທົ່ວໄປໃນແຕ່ລະພາກ, ພ້ອມຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນ.
ພາກເໜືອດ້ານຕາເວັນອອກ: ໃນໄລຍະວັນທີ 01-03 ກຸມພາ 2019 ອຸນຫະພູມອາກາດຈະໜາວເຢັນລົງຕື່ມ 1-3 ອົງສາ ພ້ອມມີລົມພັດແຮງເປັນບາງໂອກາດ.
ພາກເໜືອດ້ານຕາເວັນຕົກ: ໃນໄລຍະວັນທີ 01-03 ກຸມພາ 2019 ອາກາດຍັງຈະໜາວເຢັນລົງ 1-3 ອົງສາ ພ້ອມມີລົມພັດແຮງເປັນບາງໂອກາດ.
ພາກກາງ: ໃນໄລຍະວັນທີ 01-03 ກຸມພາ 2019 ອາກາດຈະໜາວເຢັນລົງຕື່ມ 1-2 ອົງສາ ໂດຍສະເພາະຢູ່ທາງດ້ານຕາເວັນອອກຂອງພາກ ແລະ ຈະມີລົມພັດແຮງເປັນບາງໂອກາດ.
ສະເພາະແຂວງ ໄຊສົມບູນ, ເຂດຫຼັກ 20, ເມືອງ ວຽງທອງ ແລະ ເມືອງ ນາກາຍ: ໃນໄລຍະວັນທີ 01-03 ກຸມພາ 2019 ອາກາດຈະໜາວເຢັນ ຫາ ໜາວເຢັນຫຼາຍ ແລະ ມີລົມພັດແຮງເປັນບາງໂອກາດຢູ່ບາງບໍລິເວນ.
ພາກໃຕ້: ໃນໄລຍະວັນທີ 01-03 ກຸມພາ 2019 ອາກາດຈະເຢັນລົງເລັກໜ້ອຍ ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນ.
ສະເພາະເຂດພູພຽງບໍລະເວນ: ໃນໄລຍະວັນທີ 01-03 ກຸມພາ 2019 ອາກາດຍັງຈະໜາວເຢັນ ຫາ ໜາວເຢັນຫຼາຍ ແລະ ມີລົມພັດແຮງເປັນບາງໂອກາດຢູ່ບາງບໍລິເວນ.
ນະຄອນຫຼວງວຽງຈັນ: ໃນໄລຍະວັນທີ 01-03 ກຸມພາ 2019 ອຸນຫະພູມຈະຫຼຸດລົງ 1-2 ອົງສາ ອາກາດຈະເຢັນ ຫາ ໜາວເຢັນ ພ້ອມມີລົມພັດແຮງເປັນບາງໂອກາດຢູ່ບາງບໍລິເວນ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ