ຖ້າເວົ້າເຖິງຫມາກໄມ້ສີເຫລືອງໝາກໜັກໆກໍ່ຄືໝາກອຶ ເຊື່ອ ວ່າສາວໆ ຫລາຍຄົນກໍ່ຈະຄິດເຖິງສັບພະຄຸນໃນເລື່ອງການຊ່ວຍຫລຸດນ້ຳໜັກແບບໄດ້ຜົນ ນັ້ນເພາະວ່າ ໝາກອຶ ຊ່ວຍເຮັດໃຫ້ ອີ່ມທ້ອງ ໄດ້ດົນນັ້ນເອງ ແຕ່ສາວໆ ເຊື່ອບໍ່ວ່າ ແທ້ໆແລ້ວໝາກອຶ ມີປະໂຫຍດດ້ານຄວາມງາມ ຄວາມງາມຫລາຍກວ່ານັ້ນ ເພາະມັນສາມາດນຳມາພອກໜ້າ ເພື່ອຜິວໜ້າງາມໃສໄດ້
ສູດມາກໜ້າໝາກອຶ ສຳລັບສາວຜິວແຫ້ງ ໃຊ້ໝາກອຶຕົ້ມແລ້ວຄົນ ໂດຍປະສົມນ້ຳເລັກນ້ອຍ ສຳເລັດແລ້ວປະສົມເຂົ້າກັບນ້ຳມັນໝາກກອກ ນຳມາພອກໜ້າ ແລ້ວຖິ້ມໄວ້ປະມານ 20 ນາທີ ແລ້ວລ້າງອອກດ້ວຍນ້ຳອຸ່ນ ຈະຊ່ວຍເພີ່ມຄວາມຊຸ່ມຊື່ນແລະ ເຮັດໃຫ້ຜິວນຸ້ມນວນ
ສູດມາກໜ້າ ໝາກອຶ ສຳລັບສາວຜິວມັນ ໃຊ້ໝາກອຶ ຕົ້ມແລ້ວຄົນ ໂດຍປະສົມນ້ຳເລັກນ້ອຍ ແລ້ວປະສົມເຂົ້າກັບນ້ຳມັນໝາກກອກ ນຳມາພອກໜ້າຖິ້ມໄວ້ 20 ນາທີ ແລ້ວລ້າງອອກດ້ວຍນ້ຳເຢັນ ຫລື ຈະໃຊ້ໝາກອຶ ບົດເຂົ້າກັບໄຂ່ຂາວ ຄົນໃຫ້ເປັນເນື້ອດຽວກັນ ແລ້ວຖິ້ມໄວ້ 10 ນາທີ ແລ້ວລ້າງອອກດ້ວຍນ້ຳເຢັນ ພ້ອມກັບໃຊ້ໝາກອຶສົດ ຜ່າເປັນປ່ຽງນ້ອຍໆ ແລ້ວວາງເທິງໜ້າທຸກມື້ ຈະຊ່ວຍໃນເລື່ອງຂອງສິວໄດ້ດີ
ສູດມາກໜ້າໝາກອຶ ສຳລັບຜູ້ທີ່ມີບັນຫາມີຮອຍທີ່ບໍ່ປາດຖະໜາ ໃຫ້ ຄົນ ໝາກອຶ ກັບ ໄຂ່ແດງ ປະສົມເຂົ້າກັບນ້ຳເຜິ້ງ ໃຫ້ເປັນເນື້ອດຽວກັນ ແລ້ວລໍຖ້າໃຫ້ໝາກອຶອຸ່ນໆ ນຳໄປພອກໜ້າ 15-20 ນາທີ ແລ້ວລ້າງອອກດ້ວຍນ້ຳເຢັນ
ນອກຈາກຈະນຳມາພອກໜ້າແລ້ວ ໝາກອຶ ຍັງສາມາດນຳໄປເຮັດເປັນຄີມເພື່ອທາໜ້າໃນແຕ່ລະມື້ໄດ້ນໍາອີກ ໂດຍໃຊ້ ໝາກອຶໜຶ້ງບົດ ປະສົມໃຫ້ເຂົ້າກັບນົມແລ້ວຕົ້ມໂດຍປະສົມນ້ຳໜ້ອຍໜຶ່ງ ຈາກນັ້ນໃສ່ນ້ຳມັນໝາກພ້າວ ລົງໄປແລ້ວຄົນໃຫ້ເປັນເນື້ອດຽວກັນ ກ່ອນຕັກໃສ່ກະປຸກແລ້ວແຊ່ເຢັນໄວ້ ນຳມາທາຜິວໜ້າທຸກເຊົ້າກ່ອນອາບນ້ຳ 15 ນາທີ ເພື່ອຜິວໜ້າງາມໃສໄດ້ນໍາອີກ