ວັນທີ 24 ກັນຍາ 2014 ສໍານັກຂ່າວຕ່າງປະເທດລາຍງານ ຂ່າວ ຊາຍຊະລາ ອາຍຸ 86 ປີປະກອບພິທີກຳທາງສາດສະຫນາ ໂດຍນຳຜົງໝາກເຜັດມາປະສົມກັບນ້ຳແລ້ວນຳມາເທໃສ່ຕົວ ຢູ່ຫົນທາງແຫ່ງໜຶ່ງໃນປຸທຸເຈລີ ເຂດປົກຄອງພິເສດໃນປະເທດອິນເດຍ ໂດຍບອກວ່າເປັນການປັດເປົ່າຄວາມຍາກລຳບາກທຸກທໍລະມານຂອງຜູ້ອື່ນ ທີ່ເມືອງ ເມືອງເວລລໍ ປຸທຸເຈລີ ແລະ ລັດທະມິນາທູ ໃນອິນເດຍ ເຫລົ່າ ໂຍຄີ ໃຊ້ຜົງໝາກເຜັດຫລາຍກວ່າ 30 ກິໂລ ປະສົມນ້ຳແລ້ວນ້ຳມາເທໃສ່ຕົວຄ້າຍຄືການເຮັດ Ice Bucket ຊຶ່ງເປັນໜຶ່ງໃນການປະກອບພິທີກຳທາງສາດສະຫນາ ໂດຍທີ່ບັນດາໂຍຄີຈະບໍ່ຮູ້ສຶກແສບຮ້ອນໃດໆ ໂຍຄີຄົນໜຶ່ງຈາກລັດເກຣລະ ທີ່ເຂົ້າຮ່ວມພິທີກຳໃນເທື່ອນີ້ ກ່າວວ່ານິ້ເປັນສ່ວນຫນຶ່ງຂອງ ການບູຊາຊຶ່ງເປັນການສະແດງອອກເຖິງຄວາມເຄົາລົບ ໂດຍທີ່ໝາກເຜັດບໍ່ເຮັດໃຫ້ພວກເຂົາແສບຮ້ອນທຸກທໍລະມານແຕ່ຢ່າງໃດ
ພິທີດັ່ງກ່າວນີ້ ຖືເປັນສ່ວນຫນຶ່ງໃນການບູຊາ ແລະ ຄວນປະຕິບັດດ້ວຍຄວາມເຄົາລົບ ໂດຍປົກກະຕິທົ່ວໄປຈະເຮັດໂດຍການປະດັບຕົກແຕ່ງອົງພະເທບ ຈົນກະທັ້ງເຖິງການສວດມົນສັນເສີນ
ພິທີກຳນີ້ຄ້າຍກັບການສົງນ້ຳພະຂອງລາວ ຊຶ່ງຊາວອິນເດຍທາງຕອນໃຕ້ນິຍົມບູຊາພະບູລຸດ ການເຮັດພິທີນີ້ຜູ້ເຮັດຕ້ອງເຮັດດ້ວຍຄວາມປະນີດ ແລະ ກະຕຽມເຄື່ອງທີ່ຈະນຳມາສົງພະໃຫ້ຄົບຖ້ວນ ພິທີນີ້ບໍ່ຄືສົງພະເຮືອນເຮົາທີ່ມີພຽງນ້ຳກັບນ້ຳຫອມ ແຕ່ໂດຍປົກກະຕິຊາວອິນເດຍຈະໃຊ້ ນ້ຳບໍລິສຸດ, ນົມບໍລິສຸດ, ໂຍເກິນ, ນ້ຳມັນເນີຍ, ນ້ຳເຜຶ້ງ ລວມໄປເຖິງນ້ຳຫມາກໄມ້ຕ່າງໆ
ຮ່ວມດ້ວຍການ ສວດມົນບູຊາ ໂດຍການຮຳສຽງ ຫລື ໃຊ້ກະລິ່ງ, ກອງ ຫລື ເຄື່ອງດົນຕີຕ່າງໆອີກດ້ວຍ ຢ່າງໃດກໍຕາມແຕ່ກໍ່ບໍ່ເຄີຍປາກົດການນຳເອົານ້ຳປະສົມຜົງນ້ຳໝາກເຜັດມາເທເທິງຕົວໂຍຄີ ໃຊ້ໃນພິທີດັ່ງກ່າວມາກ່ອນ