spot_img
Homeຂ່າວເຫດການຂໍ້ຫ້າມຕ່າງໆໃນງານບຸນອອກພັນສາ ແລະ ຊ່ວງເຮືອປະເພນີ 2014

ຂໍ້ຫ້າມຕ່າງໆໃນງານບຸນອອກພັນສາ ແລະ ຊ່ວງເຮືອປະເພນີ 2014

Published on

 

​ເມື່ອ​ມໍ່ໆ​ມາ​ນີ້ ຫ້ອງວ່າການນະຄອນຫລວງວຽງຈັນ ໄດ້ອອກແຈ້ງການເຖິງອຳນາດການ​ປົກຄອງ​ທຸກ​ຂັ້ນ ແລະ ປະຊາຊົນ

ຊາວຄ້າຂາຍບັນດາຫ້າງຮ້ານຫົວໜ່ວຍທຸລະກິດຕ່າງໆ ທີ່ຢູ່ໃກ້ບໍລິເວນທ່າວັດຈັນ ແລະ ບໍລິເວນໃກ້ຄຽງເພື່ອການຈັດຕັ້ງ

ສະເຫລີມສະຫລອງງານບຸນອອກພັນສາປະວໍລະນາ ແລະ ຊ່ວງເຮືອປະເພນີປະຈຳປີ 2014 ທີ່ທ່າວັດຈັນ ທີ່ຈະມາເຖິງນີ້

ໃຫ້ດຳເນີນໄປດ້ວຍຄວາມສະຫງົບປອດ​ໄພ ແລະ ບັນຍາກາດ​ເບີກບານມ່ວນຊື່ນ, ດ້ວຍເຫດນັ້ນ ຈຶ່ງໄດ້ອອກຂໍ້ຫ້າມຕ່າງໆ

ຄື:

 

(1). ຫ້າມບໍ່​ໃຫ້ມີການໂຄສະນາທຸກຮູບແບບທີ່ຜິດກົດໝາຍຂອງ ສປປ ລາວ;

(2). ຫ້າມຂາຍ ຫລື ນຳເອົາອາວຸດທຸກປະເພດລວມທັງງ້າວ, ໜ້າ, ກະຖຸນ, ສະໜັບມື, ໂຄມໄຟລອຍໄປໃນງານໂດຍເດັດ

ຂາດ ເວັ້ນເສຍແຕ່ເຈົ້າໜ້າທີ່ທີ່ໄດ້ຮັບອະນຸຍາດ;

(3). ຫ້າມຂາຍ ແລະ ນຳເອົາສິ່ງເສບຕິດ, ທາດເບື່ອ, ສານເຄມີທີ່ອອກລິດຕໍ່ລະບົບປະສາດທຸກໆຊະນິດ ສິ່ງທີ່ເກີດສຽງດັງ

ເກີນຂອບເຂດຄື: ບັ້ງກະໂພກ ເຂົ້າມາວາງສະແດງ ​ແລະ ຂາຍພາຍໃນງານຢ່າງເດັດຂາດ;

(4). ຫ້າມນຳເອົາຜະລິດຕະພັນທີ່ຮຽນແບບຜ້າສິນລາວ ນຳເຂົ້າມາວາງຂາຍໃນງານຢ່າງເດັດຂາດ;

(5). ຫ້າມວາງຂາຍເຄື່ອງເກີນຂອບເຂດອອກມາໜ້າຮ້ານ ທີ່ຄະນະກຳມະການຈັດງານຕະຫລາດນັດກຳນົດໄວ້;

(6). ຫ້າມຂາຍ ແລະ ນຳເອົາຜະລິດຕະພັນວັດທະນະທຳທີ່ລາມົກ ແລະ ເສື່ອມຊາມຕ່າງໆເຂົ້າມາໃນງານຢ່າງເດັດຂາດ;

(7). ຫ້າມຫລິ້ນການພະນັນທຸກປະເພດ;

(8). ຫ້າມຂາຍເຄື່ອງຊະຊາຍໂດຍ ບໍ່ໄດ້ຮັບອະນຸຍາດຈາກຄະນະກຳມະການຈັດງານຕະຫລາດນັດຢ່າງເດັດຂາດ;

(9). ຫ້າມອາລະວາດຕີກັນໃນງານຢ່າງເດັດຂາດ;

(10). ຫ້າມດື່ມສິ່ງມຶນເມົາເກີນຂອບເຂດ ຖ້າຫາກຜູ້ໃດລະເມີດຈະຖືກເຈົ້າໜ້າທີ່ກ່າວເຕືອນ ຫລື ນຳຕົວໄປພັກຜ່ອນ;

(11). ຫ້າມບຸກຄົນ, ວັດ, ສຳນັກງານອົງການ, ອຳນາດການປົກຄອງບ້ານ ກີດຂວາງການຈັດສັນສະຖານທີ່ວາງສະແດງ

ຂາຍສິນຄ້າ ຂອງຄະນະກຳມະການຈັດງານຕະຫລາດນັດ;

(12). ຫ້າມຕອກເຫລັກ ຫລື ສິ່ງຂອງຕ່າງໆໃສ່ພື້ນຢ່າງເດັດຂາດ;

(13). ຫ້າມຈຳໜ່າຍ ​ແລະ ໄຫລເຮືອໄຟທີເຮັດຈາກໂຟມ ຫລື ວັດສະດຸທີ່ບໍ່ສາມາດຍ່ອຍສະຫລາຍໂດຍທຳມະຊາດລົງ​ນ້ຳ

ຂອງ​ຢ່າງເດັດຂາດ.

 

ສຳລັບຂໍ້ຫ້າມຕ່າງໆທີ່ລະບຸໄວ້ຂ້າງເທິງນີ້ ຖ້າຝ່າຝືນ ຫລື ກວດພົບເຫັນຈະຖືກກ່າວເຕືອນ, ສຶກສາອົບຮົມ ແລະ ດຳເນີນ

ຄະດີຕາມລະບຽບກົດໝາຍຢ່າງເຂັ້ມງວດ. ດັ່ງນັ້ນ, ຈຶ່ງແຈ້ງມາຍັງທຸກພາກສ່ວນການຈັດຕັ້ງທີ່ກ່ຽວຂ້ອງຈົ່ງຮັບຊາບ

ແລະ ນຳເອົາແຈ້ງການແນະນຳສະບັບນີ້ ໄປຈັດຕັ້ງເຜີຍແຜ່ໃຫ້ທົ່ວເຖິງ ແລະ ພ້ອມກັນປະຕິບັດໃຫ້ຖືກຕ້ອງ ແລະ ເຂັ້ມ

ງວດ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...