ອົງການວິໄຈອາວະກາດອິນເດຍ ສ້າງປະຫວັດສາດສຸດຍິ່ງໃຫຍ່ ສົ່ງຍານອາວະກາດສູ່ວົງໂຄຈອນດາວອັງຄານສຳເລັດ
ເປັນນຊາດທຳອິດ ແລະ ຊາດດຽວໃນອາຊີ.
ສຳນັກຂ່າວຕ່າງປະເທດລາຍງານ ເມື່ອວັນທີ 24 ກັນຍານີ້ວ່າ ອົງການວິໄຈອາວະກາດຂອງອິນເດຍ ໄດ້ສ້າງປະຫວັດ
ສາດຄັ້ງໃຫຍ່ ສົ່ງຍານອາວະກາດສຳຫລວດດາວອັງຄານປະສົບຄວາມສຳເລັດ ໃນການເຂົ້າສູ່ວົງໂຄຈອນຂອງດາວອັງ
ຄານແລ້ວ ເມື່ອຕອນເຊົ້າຂອງວັນທີ 24 ກັນຍາ 2014 ນີ້ ເຮັດໃຫ້ອິນເດຍກາຍເປັນຊາດທຳອິດ ແລະ ຊາດດຽວໃນ
ອາຊີ ທີ່ສາມາດສົ່ງຍານອາວະກາດໄປພິຊິດດາວອັງຄານໄດ້ສຳເລັດ.
ທັງນີ້ ອົງການວິໄຈອາວະກາດແຫ່ງຊາດອິນເດຍ ໄດ້ສົ່ງຍານອາວະກາດ MOM ຂຶ້ນສູ່ຫ້ວງອາວະກາດ ຕັ້ງແຕ່ວັນທີ 5
ພະຈິກ 2013 ໂດຍມີກຳນົດເວລາເດີນທາງຍາວນານເຖິງ 300 ມື້ (10 ເດືອນ) ດ້ວຍໄລຍະທາງທີ່ໄກປະມານ 6.8 ແສນ
ກິໂລແມັດ ເຊິ່ງຖືເປັນຍານອາວະກາດລາຄາຖືກ ທີ່ໃຊ້ງົບປະມານໃນໂຄງການນີ້ພຽງແຕ່ 74 ລ້ານໂດລາ ເມື່ອທຽບ
ກັບ ອົງການນາຊາຂອງສະຫະລັດ ທີ່ໃຊ້ງົບປະມານໃນການສົ່ງຍານອາວະກາດມາເວນ ເຖິງ 671 ລ້ານໂດລາສະຫະລັດ.