ໃຜບອກວ່າສາວຜິວຂາວເທົ່ານັ້ນເຖິງຈະງາມໄດ້ ສາວຜິວດຳກ້ຽງກໍງາມໄດ້ຄືກັນ ຜິວສີນ້ຳຜຶ້ງກໍເປັນສີຜິວທີ່ບໍ່ເຂັ້ມຈົນດຳກ່ຳ ແຕ່ອອກນ້ຳຕານ ຖ້າເປັນຄົນຜິວນຽນ ຈະນຽນງາມເລີຍແຫລະ ສາວໃດມີຜິວສີດຳກ້ຽງແບບນີ້ໃຫ້ໝັ່ນໃຈໃນຕົວເອງເຂົ້າໄວ້ ເຮົາສາມາດແຕ່ງງາມໄດ້ບໍ່ພ່າຍແພ້ສາວຂາວ (ແຖມຍັງງາມຄົມກວ່າຫລາຍເທົ່າອິກ)
1. ຮູ້ສີຜິວຂອງຕົວເອງ ເພາະມັນຈະເປັນກຸນແຈສຳຄັນໃຫ້ເຈົ້າສາມາດເລືອກໃຊ້ລະດັບສີຂອງຮອງພື້ນ , ຄອນຊີນເລີລ໌ ໄດ້ເໝາະກັບຜິວ
2. ປົກປິດຈຸດບົກຜ່ອງ ຈຸດບົກຜ່ອງເທິງຜິວໜ້າທັງຫລາຍ ບໍ່ວ່າຈະເປັນສິວ ຮອຍແປ້ວຈາກສິວ ເມັນ ຟ້າ ຈຸດດ່າງດຳອື່ນໆ ຕ້ອງຈັດການໃຫ້ຫາຍຫລືຈາງລົງໄປດ້ວຍຄອນຊີນເລີເສຍກ່ອນ ລົງຮອງພື້ນ ຖ້າບຶດໜື່ງແລ້ວປັດແປ້ງລົງໄປເບົາໆ
3. ອາຍແຊໂດສີນ້ຳຕານ,ແດງ, ບົວ ທັງ 3 ສີນີ້ ເປັນອາຍແຊໂດວ໌ທີ່ເບິ່ງດີຫລາຍທີ່ສຸດ ເມື່ອຢູ່ເທິງດວງຕາຂອງສາວຜິວດຳກ້ຽງຄົນອື່ນແຕ່ງແນວໃດກໍບໍ່ງາມເລີ້ດເທົ່າສາວຜິວດຳກ້ຽງ
4. ອາຍໄລນ໌ເນີສີເຂັ້ມ ອາຍໄລນ໌ເນີລ໌ດີດຳ ສີນ້ຳຕານ ຫລື ວ່າມີຟ້າເຂ້ມ ເບິ່ງເຂົ້າກັນດີຫລາຍກັບຜິວດຳກ້ຽງ ມັນຈະເຮັດໃຫ້ຄວາມງາມຂອງທ່ານໃຫ້ໂດດເດັ່ນອອກມາຊັດເຈນ
5. ສີປັດແກ້ມເພີ່ມສີສັນໃຫ້ພວງແກ້ມ ດ້ວຍສີປັດແກ້ມ ເພື່ອໃຫ້ພວງແກ້ມຂອງເຮົາເປັ່ງປັ່ງ ສົດໃສຂຶ້ນ
6. ປັດແປ້ງສາວຜິວດຳກ້ຽງຕ້ອງລະວັງ ການໃຊ້ແປ້ງໃຫ້ຫລາຍໜ່ອຍໜື່ງ ໂດຍສະເພາະແປ້ງທີ່ບອກວ່າເປັນແປ້ງແບບໂປ່ງແສງ ແຕ່ເມື່ອປັດລົງຜິວກໍມັກເຮັດໃຫ້ຜິວເບິ່ງຂາວແບບແປ້ງໆ ຖ້າຫາກປັດທັບທົ່ວທັງໃບໜ້າກໍຈະເຮັດໃຫ້ເບິ່ງໜ້າຟູເກີນໄປ ຈຶ່ງຂໍແນະນຳໃຫ້ສາວຜິວດຳກ້ຽງປັດແປ້ງທັບບ່ອນທີ່ໜ້າມັນງ່າຍກໍພຽງພໍແລ້ວ