spot_img
Home​ຂ່າວບັນເທິງນາງງາມ 3 ຊາດຖືກວິຈານໜັກ! ຫຼັງເຢາະເຢີ້ຍ "ມິສຫວຽດນາມ-ມິສກຳປູເຈຍ" ເວົ້າພາສາອັງກິດບໍ່ໄດ້

ນາງງາມ 3 ຊາດຖືກວິຈານໜັກ! ຫຼັງເຢາະເຢີ້ຍ “ມິສຫວຽດນາມ-ມິສກຳປູເຈຍ” ເວົ້າພາສາອັງກິດບໍ່ໄດ້

Published on

ເວັບໄຊ ເດລີເມລ ຂອງອັງກິດລາຍງານເມື່ອວັນທີ 13 ທັນວາ 2018 ທີ່ຜ່ານມາ ຕໍ່ເວທີ Miss Universe 2018 ໄດ້ເກີດມີສຽງວິພາກວິຈານຢ່າງໜັກຈາກໂລກອອນໄລນ໌ ຫຼັງຈາກທີ່ນາງງາມທັງສາມເຜີຍແຜ່ຄລິບວິດີໂອທີ່ມິສຢູເອສເອກ່າວເຢາະເຢີ້ຍນາງງາມຈາກຫວຽດນາມ ແລະ ກຳປູເຈຍເລື່ອງສື່ສານດ້ານພາສາອັງກິດບໍ່ໄດ້ ໂດຍມີມິສໂຄລຳເບຍ ກັບ ມິສອອສເຕຣເລຍຮ່ວມເສີມ.

ຄລິບວິດີໂອດັ່່ງກ່າວເປັນການໄລນ໌ສົດຜ່ານອິນສະຕຣາແກຣມຂອງມິສໂຄລຳເບຍ ແລະ ມິສຢູເອສເອ ກັບ ມິສອອສເຕຣເລຍເຂົ້າຮ່ວມ, ໂດຍມິສຢູເອສເອເປັນຝ່າຍເປີດຄຳຖາມຂຶ້ນກ່ອນວ່າ “ເຈົ້າເບິ່ງມິສຫວຽດນາມເປັນແນວໃດ?” ແລະ ມິສຢູເອສເອໄດ້ກ່າວຕໍ່ອີກວ່າ (ມິສຫວຽດນາມ) “ນາງເຮັດທຳທ່າວ່າໄດ້ພາສາອັງກິດ ແຕ່ຖ້າເຈົ້າຕັ້ງຄຳຖາມຫຼັງຈາກລົມກັນທັງໝົດ ນາງຈະໄດ້ແຕ່ພະຍັກໜ້າແລ້ວກໍ່ຍິ້ມ” ກ່ອນຈະຫົວຍຸ້ມໆ “ນາງເປັນຕາແພງເນາະ” ນອກຈາກນີ້ຍັງໄດ້ລໍ້ທ່າທາງຂອງມິສຫວຽດນາມອີກດ້ວຍ ກ່ອນທີ່ນາງຈະປ່ຽນໄປນິນທາມິສກຳປູເຈຍ.

https://youtu.be/6u4PEQ7XLZQ

ມິສຢູເອສເອກ່າວ: “ມິສກຳປູເຈຍມາບ່ອນນີ້ແລ້ວບໍ່ເວົ້າພາສາອັງກິດເລີຍ ແລ້ວກໍ່ບໍ່ມີໃຜເວົ້າພາສານາງໄດ້ເລີຍ ຈິນຕະນາການບໍ່ອອກເລີຍເນາະ”

ດ້ານມິສອອສເຕຣເລຍເວົ້າເສີມວ່າ “ແມ່ນ! ຂ້ອຍໝາຍຄວາມວ່າຄົງຈະມີມຶນງົງຕະຫຼອດເວລາ ສຳລັບຄົນທີ່ເວົ້າພາສາອັງກິດບໍ່ໄດ້ ຕ້ອງອາໄສກູເກີແປໃຫ້ ຫຼື ຖ້າລ່າມມາຊ່ວຍແປພາສາໃຫ້”

ຈາກນັ້ນ ມິສຢູເອສເອໄດ້ກ່າວເສີມວ່າ “ໜ້າສົງສານມິສກຳປູເຈຍແທ້ໆ” ກ່ອນຫັນໄປຍ້ອງມິສໂຄລຳເບຍວ່າ “ຢ່າງໜ້ອຍເຈົ້າກໍ່ເວົ້າພາສາອັງກິດໄດ້ດີ” ສ່ວນນາງງາມອອສເຕຣເລຍກ່າວເສີມວ່າ “ແລ້ວເຈົ້າກໍ່ຍັງເວົ້າພາສາສະເປນໄດ້ອີກດ້ວຍ”

ມິສໂຄລຳເບຍກ່າວເຖິງມິສບຣາຊິລທີ່ເວົ້າພາສາອັງກິດບໍ່ໄດ້ຄືກັນ ແຕ່ນາງງາມສະຫະລັດໃຫ້ຄວາມເຫັນວ່າ ຢ່າງໜ້ອຍຍັງມີນາງງາມຊາດອື່ນທີ່ໃຊ້ພາສາໂປຣຕຸເກສໄດ້ (ເປັນພາສາທີ່ບຣາຊິລໃຊ້)

ແຫຼ່ງຂ່າວເຜີຍວ່າ ກ່ອນໜ້ານີ້ມິສກຳປູເຈຍກັບມິສອອສເຕຣເລຍເບິ່ງຄືເປັນໝູ່ກັນ ແຕ່ເມື່ອມີຂ່າວແບບນີ້ອອກມາມິສກຳປູເຈຍກໍ່ເສຍໃຈຫຼາຍ.

ຕໍ່ມາຫຼັງຈາກປະເດັນນີ້ຮ້ອນແຮງຂຶ້ນ ນາງງາມສະຫະລັດຈິ່ງໄດ້ໂພສຮູບທີ່ໄປຂໍໂທດນາງງາມຊາດເອເຊຍທັງສອງແລ້ວ ຕາມດ້ວຍຮູບທີ່ທັງ 5 ຄົນ ກອດກັນ.

 

ຮຽງຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: khaosod.co.th
ຮູບປະກອບ: filipinotimes.net

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...