ນັກບູຮານຄະດີຂຸດພົບໂຄງກະດູກມະນຸດ ນອນຈັບມືຮຽງຂ້າງກັນມາດົນກ່ວາ 700 ປີ ທີ່ຊາກຂອງໂບດທາງພາກກາງ

ຂອງປະເທດອັງກິດ.

ສຳນັກຂ່າວຕ່າງປະເທດລາຍງານ ໃນວັນທີ 23 ກັນຍານີ້ວ່າ ນັກບູຮານຄະດີໃນອັງກິດ ຄົ້ນພົບໂຄງກະດູກມະນຸດນອນ

ຈັບມືຮຽງຂ້າງກັນມາດົນກ່ວາ 700 ປີ ໂດຍພົບເມື່ອສອງອາທິດກ່ອນ ແລະ ຫາກໍມີການເຜີຍແຜ່ພາບອອກມາ ເມື່ອ

ວັນພະຫັດທີ 18 ກັນຍາ 2014 ອັນເປັນທີ່ຮືຮາເທິງໂລກອອນລາຍໃນປະຈຸບັນ.

ນັກບູຮານຄະດີຂອງມະຫາວິທະຍາໄລເລສເຕີ ຂຸດພົບໂຄງກະດູກຂອງຄູ່ນີ້ທີ່ຊາກໂບດເຊັນມໍເຣນ ເມືອງເລສເຕີເຊຍ

ໂດຍໂບດແຫ່ງນີ້ເຄີຍເປັນຈຸດໝາຍຂອງຜູ້ສະແຫວງບຸນໃນເມືອງຮອນລາຕັນ ເມື່ອຍຸກສະຕະວັດທີ 14 ແລະ ຂະນະນີ້

ໄດ້ກາຍເປັນສະຖານທີ່ຂຸດຄົ້ນທາງບູຮານຄະດີເຖິງ 4 ໂຄງການ ໂດຍນອກຈາກໂຄງກະດູກທັງສອງນີ້ແລ້ວ ພວກເຂົາ

ຍັງຄົ້ນພົບໂຄງກະດູກອື່ນໆອີກຈຳນວນ 9 ຮ່າງ.