ເມື່ອວັນທີ 10 ທັນວາ 2018 ທີ່ຜ່ານມາ ເວັບໄຊ ເດລີເມລ ໄດ້ມີການເຜີຍແຜ່ຮູບເຮືອບິນໂບອິ້ງ 777 ສ່ອງແສງເຫຼື້ອມລະຍິບລະຍັບຄ້າຍຝັງເພັດທັງລຳ ເຊິ່ງເປັນເຮືອບິນຂອງສາຍການບິນເອມິເຣດ ສາຍການບິນປະຈຳຊາດຂອງສະຫະລັດອາຫຼັບເອມິເຣດ ທີ່ຂຶ້ນຊື່ໃນເລື່ອງການມອບຄວາມຫຼູຫຼາມີລະດັບໃຫ້ແກ່ຜູ້ໂດຍສານ.
ເຮືອບິນລຳດັ່ງກ່າວນີ້ໄດ້ສ້າງຄວາມຕື່ນຕາຕື່ນໃຈໃຫ້ກັບຜູ້ທີ່ໄດ້ພົບເຫັນ ເນື່ອງຈາກຕ່າງກໍ່ພາກັນຄິດວ່າເປັນເຮືອບິນຝັງເພັດ ແຕ່ຄວາມຈິງແລ້ວມັນເປັນພຽງການຕົບແຕ່ງຂຶ້ນເທົ່ານັ້ນ ບໍ່ໄດ້ມີການນຳເອົາເພັດແທ້ມາປະດັບເລີຍ ເຊິ່່ງຜົນງານດັ່ງກ່າວເປັນການອອກແບບຂອງ “ຊາຣາ ຊາຄລີ” ສາວນັກເດີນທາງທີ່ມັກໃນການຕົບແຕ່ງຮູບດ້ວຍການນຳເພັດມາປະດັບ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂ່າວ ແລະ ຮບປະກອບ: news.mthai.com