ຄອບຄົວຂອງຜູ້ເຄາະຮ້າຍ MH17 ກຽມຟ້ອງລັດຖະບານອູແກຣນ ຂ້າຄົນໂດຍປະໝາດ ບໍ່ຍອມປິດນ່ານຟ້າຈົນເຮືອບິນ
ຖືກຂີປະນາວຸດຍິງຕົກ.
ເມື່ອວັນທີ 22 ກັນຍາ 2014 ຜ່ານມາ ສຳນັກຂ່າວຕ່າງປະເທດລາຍງານວ່າ ຄອບຄົວຂອງຜູ້ເຄາະຮ້າຍ MH17 ຊາວເຢຍ
ລະມັນ ກຽມຟ້ອງລັດຖະບານ ແລະ ປະທານາທິບໍດີອູແກຣນ ຖານຂ້າຜູ້ອື່ນໂດຍປະໝາດ ຈາກເຫດເຮືອບິນມາເລເຊຍ
ແອຣ໌ລາຍ ຖ້ຽວບິນ MH17 ຖືກຂີປະນາວຸດຍິງຕົກ ຈົນຂ້າຊີວິດລູກເຮືອ ແລະ ຜູ້ໂດຍສານຍົກລຳ 298 ຊີວິດ.
ສາດສະດາຈານ ເອນມາ ກີລູນລາ ທະນາຍຂອງ 3 ຄອບຄົວຜູ້ເສຍຊີວິດຊາວເຢຍລະມັນໄດ້ເປີດເຜີຍວ່າ ພາຍໃຕ້ກົດ
ໝາຍລະຫວ່າງປະເທດ ອູແກຣນຄວນຈະປິດນ່ານຟ້າ ຫາກບໍ່ສາມາດຮັບປະກັນຄວາມປອດໄພດ້ານການບິນໄດ້ ທາງ
ການມີໜ້າທີ່ຈະຕ້ອງຮັບຜິດຊອບດ້ານຄວາມປອດໄພເທິງນ່ານຟ້າຂອງຕົນເອງ, ດັ່ງນັ້ນ ລັດຖະບານອູແກຣນຕ້ອງ
ຮັບຜິດຊອບຕໍ່ໂສກນາດຕະກຳໃນຄັ້ງນີ້ ແລະ ເຂົາຈະຟ້ອງຄະດີນີ້ຕໍ່ສານສິດທິມະນຸດເອີລົບ ໂດຍຈະຟ້ອງປະທານາທິ
ບໍດີ ແລະ ລັດຖະບານອູແກຣນ ໂທດຖານຂ້າຄົນໂດຍປະໝາດ ເຊິ່ງຈະຮຽກຮ້ອງຄ່າຊົດເຊີຍໃຫ້ກັບຄອບຄົວຜູ້ເສຍຊີ
ວິດຜູ້ລະປະມານ 13 ຕື້ກີບ.
ສຳລັບເຫດການເຮືອບິນມາເລເຊຍ ແອຣ໌ລາຍ ຖ້ຽວບິນ MH17 ຖືກຂີປະນາວຸດຍິງຕົກ ແມ່ນເກີດຂຶ້ນເມື່ອວັນທີ
17 ກໍລະກົດ 2014 ທີ່ຜ່ານມາ ລະຫວ່າງທີ່ເຮືອບິນລຳດັ່ງກ່າວກຳລັງເດີນທາງຈາກ ນະຄອນອາມສະເຕີດາມ ຂອງ
ໂຮນລັງ ໄປຍັງນະຄອນຫລວງກົວລາລຳເປີ ປະເທດມາເລເຊຍ ເຊິ່ງຜູ້ໂດຍສານສ່ວນໃຫຍ່ແມ່ນເປັນຊາວໂຮນລັງ.