ຄັ້ງປະຫວັດສາດຂອງ ສປປ ລາວ ສາວ ຢຸ້ຍ ສັນທະນີ Miss Supranational​ Laos ​2018 ຕິດ Top 9 ພ້ອມທັງຄວ້າລາງວັນຊຸດປະຈຳຊາດດີເດັ່ນ ໃນເວທີການປະກວດ Miss Supranational ທີ່ ປະເທດໂປແລນ ຖືເປັນໃບໜ້າອັນໃໝ່ໃນວົງການນາງງາມລາວ ກໍຄືປະເທດລາວໃນເວທີລະດັບສາກົນ.

ສາວ ຢຸ້ຍ ສັນທະນີ ໄດ້ສະແດງຄວາມດີອົກດີໃຈຜ່ານເຟສບຸກສ່ວນຕົວວ່າ: ໃນຖານະ Miss Supranational​ Laos ​2018​ ທີ່ໄດ້ເຂົ້າຮ່ວມປະກວດ Miss Supranational​ 2018​ ທີ່ປະເທດໂປແລນ ດີໃຈທີ່ເປັນຕົວແທນໃຫ້ສາວລາວທົ່ວປະເທດ ແລະ ເປັນປີທຳອິດຖືວ່າເປັນການເປີດສາກສ້າງປະຫວັດສາດຫນ້າໃຫມ່ໃນວົງການນາງງາມລາວລະດັບສາກົນແລ້ວ.​ ໄດ້ສູ້ກັບນາງງາມຈາກ72ປະເທດ ທີ່ມີແຕ່ຄົນງາມໆ ເກັ່ງໆ ແລະ ໂດ່ງດັງທັງຢູ່ປະເທດເຂົາ ເຊິ່ງບາງນາງງາມເປັນດາລາ, ນາງແບບ ເຈົ້າຂອງບໍສິສັດໂມເດວລິງດັງໆ ລະດັບແຖວຫນ້າສາກົນຮັບຮູ້​ ແຕ່ຢຸ້ຍກໍເຕັມທີ່ທຸກກິດຈະກຳ, ທຸກການເກັບຄະແນນ ແລະ ສຳຄັນຢຸ້ຍມ່ວນມີຄວາມສຸກທຸກຄັ້ງ ເພາະການເຮັດສິ່ງທີ່ຮັກເຖິງຈະເມື່ອຍແຕ່ມ່ວນ.

ຢຸ້ຍ ຮູ້ສຶກພູມໃຈທີ່ສຸດທີ່ໃສ່ສາຍສະພາຍ Laos ຖືທຸງລາວ ໃສ່ຊຸດຜ້າໄຫມລາວ ທັດດອກຈຳປາ ນຳເອົາຄວາມເປັນມິດໄມຕີ ຮອຍຍິ້ມທີ່ສົດໃສມາສ້າງຄວາມປະທັບໃຈຈົນເປັນທີ່ຮັກ ແລະ ສົນໃຈຂອງທຸກຄົນ ນີ້ກໍ່​ຖືວ່າຊະນະໃຈຕົວເອງ ແລະ ຊະນະຄົນລາວ ກອງເຊຍ ແລະ ຊະນະໃຈທຸກຄົນທີ່ພົບເຫັນ. ສຸດທ້າຍແລ້ວ ຢຸ້ຍກໍສາມາດຍາດໄດ້ລາງວັນ Best National​ Costume​ of Miss​ Supranational​ 2018​ ມາຝາກຄົນລາວຢ່າງພາກພູມໃຈ.

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: Yui Santhany