ທະນາຄານໂລກ (World Bank) ໄດ້ໃຫ້ເງິນຊ່ວຍເຫຼືອລ້າແກ່ລັດຖະບານລາວ ເພື່ອນຳໃຊ້ເຂົ້າໃນໂຄງການຄຸ້ມຄອງ
ການນຳໃຊ້ພະລັງງານໄຟຟ້າຢ່າງມີປະສິດທິພາບ ແລະ ການອະນຸຮັກພະລັງງານ ໂດຍໄດ້ມອບໃຫ້ລັດວິສາຫະກິດໄຟ
ຟ້າລາວ ເປັນຜູ້ດຳເນີນໂຄງການ ເຊິ່ງໂຄງການໄດ້ແບ່ງອອກເປັນ 2 ໄລຍະຄື ໄລຍະທີໜຶ່ງ ແຕ່ປີ 2007 ຫາປີ 2010
ແລະ ໄລຍະທີ 2 ເລີ່ມແຕ່ເດືອນຕຸລາ ປີ 2011 ຫາປີ 2015.
ໂຄງການຄຸ້ມຄອງການນຳໃຊ້ພະລັງງານໄຟຟ້າ ຢ່າງມີປະສິດທິພາບ ແລະ ການອະນຸຮັກ ໄດ້ຈັດຕັ້ງປະຕິບັດຂຶ້ນເພື່ອ
ປ່ຽນຖ່າຍຫຼອດໄຟນິອອນ ທີ່ນຳໃຊ້ໃນປັດຈຸບັນນີ້ ເຊິ່ງເອີ້ນວ່າລຸ້ນນ້ຳເບີ T8 ໃຊ້ແກນເຫຼັກກິນໄຟຫຼາຍກວ່າຫຼອດນິ
ອອນ ທີ່ຈະນຳມາປ່ຽນຄືລຸ້ນ T5 ທີ່ກິນໄຟໜ້ອຍ ມີອາຍຸການໃຊ້ງານດົນກວ່າ ພ້ອມທັງປະຢັດພະລັງງານດີກວ່າ.
ສະນັ້ນ ໃນວັນທີ 18 ກັນຍາ 2014 ທາງລັດວິສາຫະກິດໄຟຟ້າລາວ ຈຶ່ງໄດ້ນຳເອົາອຸປະກອນໄຟຟ້າ ເຊິ່ງນອນຢູ່ໃນໂຄງ
ການດັ່ງກ່າວ ມາມອບໃຫ້ວິທະຍຸກະຈາຍສຽງແຫ່ງຊາດລາວ ເຊິ່ງນອນໃນ 50 ອາຄານໃນ ນວ ອຸປະກອນດັ່ງກ່າວປະ
ກອບມີ ດອກໄຟ T5 ຫົວຕໍ່ດອກໄຟ ບາຫຼາດອີເລັກໂຕນິກ ສະວິດກະຕຸກແອເຢັນ ໂຄມໄຟສະທ້ອນ ລວມມູນຄ່າ 59
ລ້ານກວ່າກີບ ຕາງໜ້າມອບໂດຍທ່ານ ວາດສະໜາ ເພັດລຳພັນ ຮອງຫົວໜ້າໂຄງການຄຸ້ມຄອງ ການນຳໃຊ້ພະລັງ
ງານໄຟຟ້າຢ່າງມີປະສິດທິພາບ ແລະ ການອະນຸຮັກພະລັງງານ ແລະ ຮັບໂດຍທ່ານ ສີພາ ນົງລາດ ຜູ້ອຳນວຍການ
ໃຫຍ່ ວິທະຍຸກະຈາຍສຽງແຫ່ງຊາດລາວ ໂດຍມີພະນັກງານຂອງທັງສອງຝ່າຍເຂົ້າຮ່ວມ.
ແຫລ່ງຂ່າວ: ວຽງຈັນໃໝ່