ຮືຮາທົ່ວໂລກອອນລາຍຂອງຈີນ ເມື່ອມີພາບນັກສຶກສາໜຸ່ມ ມະຫາວິທະຍາໄລຊື່ດັງ ປະກາດໃຫ້ເຊົ່າແຟນສາວຂອງຕົນ
ເອງ ເພື່ອເກັບເງິນຊື້ໄອໂຟນ 6.
ໃນວັນທີ 18 ກັນຍາ 2014 ຜ່ານມານີ້ ສຳນັກຂ່າວຕ່າງປະເທດລາຍງານວ່າ ໜຸ່ມນັກສຶກສາຈີນ ໄດ້ສ້າງຄວາມຮືຮາໄປທົ່ວ
ສັງຄົມອອນລາຍຂອງຈີນ ເມື່ອເຂົາໄດ້ປະກາດໂຄສະນາໃຫ້ເຊົ່າແຟນສາວຂອງຕົນເອງ ຢູ່ແຄມມະຫາວິທະຍາໄລ ດ້ວຍ
ການຍົກປ້າຍປະກາດວ່າ ” ແຊຣ໌ແຟນ ” ໂດຍມີເງື່ອນໄຂຂອງການແຊຣ໌ ຫລື ໃຫ້ເຊົ່າແຟນໃນຄັ້ງນີ້ ແມ່ນມີທັງບໍລິການ
ກິນເຂົ້ານຳກັນ, ນັ່ງຮຽນໜັງສືນຳກັນ, ຫລິ້ນເກມສ໌ເປັນໝູ່ ຫລື ຈົນເຖິງສາມາດອອກເດດນຳກັນໄດ້ ເຊິ່ງເຂົາໄດ້ຄິດໄລ່
ຄ່າບໍລິການ ຕັ້ງແຕ່ 10 ຢວນ (ປະມານ 13,000 ກີບ) ຈົນເຖິງ 500 ຢວນ (656,000 ກີບ) ແຖມເຂົາຍັງໄດ້ຂຽນລະບຸອີກ
ວ່າ ” ເປັນທຸລະກິດຈິງຈັງ ບໍ່ແມ່ນການເວົ້າຫລິ້ນ ”
ແຫລ່ງຂ່າວຍັງໄດ້ລະບຸອີກວ່າ ຊາຍໜຸ່ມຄົນດັ່ງກ່າວແມ່ນເຕັມໃຈບອກລາຍລະອຽດຮູບຮ່າງຂອງແຟນສາວຂອງຕົນ
ເອງ ແລະ ຍິນດີສົ່ງຮູບຂອງນາງໃຫ້ແກ່ຜູ້ທີ່ສົນໃຈ ໂດຍເຂົາຍັງໄດ້ລະບຸອີກວ່າ ແຟນຂອງເຂົາເອງມີຄວາມເຕັມໃຈຮ່ວມ
ງານສຳລັບການຫາເງິນໃນຄັ້ງນີ້ດ້ວຍ.
