ສານຫວຽດນາມຕັດສິນຈຳຄຸກ ເຈົ້າໜ້າທີ່ຕຳຫລວດ 4 ຄົນ ສູງສຸດ 17 ປີ ຈາກການທຸບຕີຜູ້ຕ້ອງສົງໄສຈົນເຖິງແກ່
ຄວາມຕາຍ.
ໃນວັນທີ 18 ກັນຍາ 2014 ນີ້ ສຳນັກຂ່າວຕ່າງປະເທດລາຍງານວ່າ ສານປະຊາຊົນນະຄອນຫລວງຮ່າໂນ້ຍ ໄດ້ມີຄຳພິ
ພາກສາຕັດສິນລົງໂທດຈຳຄຸກ ຮ່ວາງ ຫງັອກ ຕຽນ ຮອງຫົວໜ້າຕຳຫລວດບ້ານກິມໂນ ຊານເມືອງຮ່າໂນ້ຍ ດົນເຖິງ
17 ປີ ຈາກຄວາມຜິດຄາດຕະກຳ, ສ່ວນເຈົ້າໜ້າທີ່ຕຳຫລວດອີກ 3 ຄົນ ຖືກຕັດສິນຈຳຄຸກ 8 – 16 ປີ ໃນຂໍ້ຫາດຽວກັນ
ໃນການພິຈາລະນາຄະດີຢູ່ຊັ້ນສານເປັນເວລາເຖິງ 2 ວັນ.
ເຈົ້າໜ້າທີ່ຕຳຫລວດທັງ 4 ຄົນ ຖືກກ່າວຫາວ່າ ທຸບຕີຊາຍຄົນໜຶ່ງຈົນເຖິງແກ່ຄວາມຕາຍ ໃນເດືອນສິງຫາ 2012
ໂດຍສານໄດ້ລະບຸວ່າ ຊາຍທີ່ເສຍຊີວິດຄົນດັ່ງກ່າວ ຖືກຄວບຄຸມຕົວຢູ່ສະຖານີຕຳຫລວດຈາກຂໍ້ຫາທຳຮ້າຍຮ່າງກາຍ
ເພື່ອນບ້ານ, ຊາຍຄົນດັ່ງກ່າວຖືກໃສ່ກຸນແຈມື ແລະ ຕີນ ຕິດໄວ້ກັບຕັ່ງໃນຂະນະທີ່ຖືກທຸບຕີຊ້ຳໆ ດ້ວຍກະບອງຢາງ
ແລະ ຈາກຜົນຂອງການຊັນນະສູດສົບກໍພົບວ່າ ຜູ້ເສຍຊີວິດດູກຂ້າງຫັກເຖິງ 3 ທ່ອນ ແລະ ມີຮອຍຟົກຊ້ຳອີກຫລາຍ
ແຫ່ງ.