spot_img
Homeທຸລະກິດມານດາ ເດິ ລາວ ຮ້ານອາຫານທີ່ໄດ້ແຮງບັນດານໃຈຈາກສີມືແມ່

ມານດາ ເດິ ລາວ ຮ້ານອາຫານທີ່ໄດ້ແຮງບັນດານໃຈຈາກສີມືແມ່

Published on

ຮ້ານອາຫານ ມານດາ ເດີ ລາວ ເປີດໃຫ້ບໍລິການອາຫານຫຼວງພະບາງຕັ້ງແຕ່ປີ 2015, ຖືເປັນຮ້ານອາຫານ ເອື້ອຍນ້ອງກັບໂຮງແຮມ ເມຊົງ ດາລາບົວ. ຮ້ານອາຫານມານດາ ເດີ ລາວ ເສີບອາຫານລາວພື້ນເມືອງ ທີ່ມີ ຄວາມຄິດສ້າງສັນໃນການຈັດແຕ່ງ. ຮ້ານອາຫານຕັ້ງຢູ່ແຄມໜອງບົວທໍາມະຊາດ, ທຸກໆເມນູທີ່ທາງຮ້ານ ອາຫານຄັດສັນມານັ້ນມີລົດຊາດແຊບຊ້ອຍ ນັ່ງຮັບປະທານໃນບັນຍາກາດທີ່ງຽບສະຫງົບ.

ຮ້ານອາຫານແຫ່ງນີ້ກໍາເນີດໂດຍມານດາຂອງເຈົ້າເອງຮ້ານອາຫານເອງກໍ່ຄື ແມ່ຜິວ, ເພິ່ນເກີດໃນປີ 1930 ໃນຄອບຄົວທີ່ມີຊື່ສຽງໃນທ້ອງຖິ່ນ. ຕອນຍັງນ້ອຍ, ແມ່ຜິວໄດ້ຮຽນເຮັດອາຫານພື້ນເມືອງຈາກແມ່ຂອງເພິ່ນ ແລະ ເມື່ອເພິ່ນໄດ້ສ້າງຄອບຄົວຂອງເພິ່ນເອງ, ເພິ່ນໄດ້ຖ່າຍທອດທັງຄວາມຮູ້ ແລະ ສູດອາຫານຂອງ ເພິ່ນໃຫ້ແກ່ລູກຫຼານຮຸ່ນຫຼັງເພື່ອສືບທອດຕໍ່ໄປ

ຫຼາຍໆເມນູຂອງຮ້ານອາຫານໄດ້ກາຍເປັນເມນູເອກະລັກຂອງຮ້ານອາຫານ ມານດາ ເດິ ລາວ ໂດຍສະເພາະແມ່ນເມນູ ເປັດ ໝາກຂາມ ຫຼື ຫຸ່ມເປັດໃສ່ໝາກຂາມປຽກ ທີ່ເສີບພ້ອມກັບຜັກພື້ນເມືອງ. ພ້ອມດຽວກັນ, ຍັງມີອີກໜຶ່ງ ເມນູທີ່ໜ້າສົນໃຈກໍ່ຄື ສະລັດຫຼວງພະບາງ ເສີບພ້ອມໄຂ່ລູກເຂີຍແບບພື້ນເມືອງ; ນອກນັ້ນທາງຮ້ານອາຫານຍັງມີເມນູຂອງຫວານ  ສັງຂະຫຍາໝາກພ້າວ ຫຼື ໜຶ້ງຄຣີມໝາກພ້າວ ເຊິ່ງຄ້າຍຄືຂະໜົມແຄມບຸເລຂອງສາຝຣັ່ງ ເພື່ອເປັນເມນູປິດທ້າຍ.

ເຖິງແມ່ນວ່າໃນລາວ ຫຼື ໃນໂລກຈະປ່ຽນແປງໄປແນວໃດ,. ແຕ່ຮ້ານອາຫານ ມານດາ ເດີ ລາວ ກໍຍັງຄົງເອກະລັກຂອງອາຫານ, ປະເພນີໃນການກິນຢູ່ ແລະ ຄວາມຕັ້ງໃຈຂອງແມ່ຜິວ, ເພື່ອແບ່ງປັນອາຫານການກິນດັ່ງໃນເມື່ອກ່ອນ.

 

 

ແຫຼ່ງຂໍ້ມູນ ແລະ ຮູບພາບ: ວາລະສານຈໍາປາເມືອງລາວສະບັບເດືອນພະຈິກ-ທັນວາ 2018

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...