1. ຊ່ວຍເຮັດຄວາມສະອາດຜິວໄດ້ດີ
ໃຫ້ທ່ານແມ່ຍິງເລືອກໃຊ້ໃຍຂັດຕົວແບບເປັນຕານ່າງຫຍາບໆ ເມື່ອໃຊ້ຂັດຖູໂຕຮ່ວມກັບສະບູ່ ຫລື ຄີມອາບນ້ຳແລ້ວ ຈະຊ່ວຍໃຫ້ທ່ານຍິງສາມາດເຮັດຄວາມສະອາດຜິວໄດ້ໝົດຈົດຍິ່ງຂຶ້ນ ໃຍຂັດຕົວສາມາດຊ່ວຍຂັດຖູເອົາແບກທີເລຍ ຄາບເຫື່ອຂີ້ໄຄ ລວມໄປຈົນເຖິງຝຸ່ນ ຫລື ສິ່ງສົກກະປົກນ້ອຍໆ ທີ່ຕິດຄ້າງຢູ່ທີ່ລູຂຸມຂົນອອກໄປໄດ້ ພໍອາບນ້ຳສຳເລັດແລ້ວເຮົາຈະຮູ້ສຶກວ່າຜິວສະອາດສົດໃສ ແລະ ສະບາຍຜິວຫລາຍກວ່າການອາບນ້ຳແລ້ວໃຊ້ສະບູ່ຟອກໂຕຢ່າງດຽວ
2. ຊ່ວຍສະຄັບຜິວໄປໃນຕົວ
ການໃຊ້ໃຍຂັດຕົວໃນການອາບນ້ຳ ເປັນການສະຄັບຜິວໄດ້ທຸກມື້ ຊຶ່ງຈະຊ່ວຍສະຄັບຜິວໃນສ່ວນທີ່ຫຍາບກະດ້າງ ເຊັ່ນບໍລິເວນ ແຂນສອກ, ຫົວເຂົ່າ, ໃຫ້ເຊວຜິວໜາໆ ທີ່ຕາຍແລ້ວຫລຸດອອກໄປ
3. ຊ່ວຍຂັດຕົວແລ້ວຜິວນຽນນຸ່ມຫລາຍຍິ່ງຂຶ້ນ
ຈະເຮັດໃຫ້ຜິວຂອງທ່ານຍີງສະອາດໝົດຈົດ ບໍ່ມີສິ່ງສົກກະປົກຕົກຄ້າງຢູ່ເທິງຜິວແລ້ວ ນອກຈາກນີ້ຍັງຊ່ວຍເຮັດໃຫ້ຜິວຂອງທ່ານຍິງນຽນນຸ່ມຊຸ່ມຊື່ນຫລາຍຍິ່ງຂຶ້ນອີກ
4. ຊ່ວຍກະຕຸ້ນການໄຫລວຽນຂອງເລືອດຊ່ວຍໃຫ້ຜ່ອນຄາຍສະບາຍໂຕ
ການຂັດຕົວເບົາໆ ດ້ວຍໃຍຂັດໂຕລະຫວ່າງການອາບນ້ຳນັ້ນ ເປັນການຊ່ວຍກະຕຸ້ນການໄຫລວຽນຂອງເສັ້ນເລືອດທີ່ຢູ່ໃຕ້ຜິວໜັງໄດ້ດີຍິ່ງຂຶ້ນ ຈຶ່ງເຮັດໃຫ້ຮູ້ສຶກ ຜ່ອນຄາຍສະບາຍຜິວຫລາຍຍິ່ງຂຶ້ນ ອີກທັງຍັງຊ່ວຍເຮັດໃຫ້ຜິວຂອງທ່ານຍິງເບິ່ງເປັ່ງປັ່ງສົດໃສ