spot_img
Homeຂ່າວຕ່າງປະເທດ10 ປະເທດອາຊຽນຈະເຂົ້າຮ່ວມຝຶກຊ້ອມຮົບຮ່ວມກັບກອງທັບເຮືອຂອງຈີນໃນທະເລຈີນໃຕ້

10 ປະເທດອາຊຽນຈະເຂົ້າຮ່ວມຝຶກຊ້ອມຮົບຮ່ວມກັບກອງທັບເຮືອຂອງຈີນໃນທະເລຈີນໃຕ້

Published on

ສຳນັກຂ່າວຕ່າງປະເທດລາຍງານຈາກປະເທດສິງກະໂປ ເມື່ອວັນທີ 19 ຕຸລາ 2018 ວ່າ ທ່ານ ອິ້ງ ເອງ ເຮນ ລັດຖະມົນຕີກະຊວງປ້ອງກັນປະເທດສິງກະໂປ ຖະແຫຼງການວ່າ ກອງທັບເຮືອຂອງສະມາຄົມປະຊາຊາດແຫ່ງອາຊີຕາເວັນອອກສ່ຽງໃຕ້ (ອາຊຽນ) ທັງ 10 ປະເທດ ໄດ້ເດີນທາງເຂົ້າສູ່ເມືອງ ຈ້ານຈຽງ ໃນມົນທົນກວາງຕຸ້ງ ທາງຕາເວັນຕົກສຽງໃຕ້ຂອງຈີນ ເພື່ອຮ່ວມການຝຶກຊ້ອມຮົບຮ່ວມກັບກອງທັບເຮືອຂອງກອງທັບປົດປ່ອຍປະຊາຊົນຈີນ (PLA) ເຊິ່ງຈະມີຂຶ້ນໃນອາທິດໜ້າໃນເຂດໜ້ານໍ້າສາກົນທະເລຈີນໃຕ້ ໂດຍເມືອງຈ້ານຈຽງ ເປັນສະຖານທີ່ຕັ້ງຖານທັບກອງເຮືອໃຕ້ຂອງພີແອລເອ.

ທັງນີ້, ຄວາມຮ່ວມມືດັ່ງກ່າວຖືເປັນຄັ້ງທຳອິດຢ່າງເປັນທາງການ ແລະ ຜູ້ກ່ຽວຂ້ອງທຸກຝ່າຍຫວັງເປັນຢ່າງຍິ່ງວ່າ ພາລະກິດຄັ້ງນີ້ຈະເປັນການຟື້ນຟູຄວາມເຊື່ອໝັ້ນ ແລະ ສົ່ງເສີມຄວາມໄວ້ເນື້ອເຊື່ອໃຈລະຫວ່າງກັນ. ສຳລັບການປະຊຸມລັດຖະມົນຕີປ້ອງກັນປະເທດອາຊຽນຄັ້ງນີ້ ເຖິງແມ່ນວ່າຈະເປັນການພົບປະຫາລືກັນຢ່າງບໍ່ເປັນທາງການ, ແຕ່ພົນເອກ ເຈມສ໌ ແມດທິສ ລັດຖະມົນຕີກະຊວງປ້ອງກັນປະເທດສະຫະລັດ ແລະ ພົນເອກ ເວີ່ຍ ເຟິ່ງເຫີ ລັດຖະມົນຕີກະຊວງປ້ອງກັນປະເທດຂອງຈີນເຂົ້າຮ່ວມປະຊຸມດ້ວຍຕົວເອງ ແລະ ມີໃນໃຈຄວາມວ່າ ເພື່ອຮັກສາຄວາມສຳພັນກັບປະເທດມະຫາອຳນາດຢ່າງທົ່ວເຖິງ; ທ່ານ ອິ້ງ ກ່າວວ່າອາຊຽນມີກຳນົດຈັດການຝຶກຊ້ອມຮົບທາງທະເລກັບສະຫະລັດໃນປີໜ້ານີ້.

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ:​ dailynews.co.th

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...