ເມື່ອວັນທີ 11 ຕຸລາ 2018 ອົງການບໍລິຫານອາວະກາດ ແລະ ການບິນ ຫຼື NASA ເປີດເຜີຍເຫດການລະທຶກລະຫວ່າງທີ່ຍານອາວະກາດ ໂຊຢຸສ MS10 ທີ່ກຳລັງອອກເດີນທາງຈາກສູນປ່ອຍຍານອາວະກາດໄບໂຄນູຣຄອສໂມໂດຣມ ໄປທີ່ສະຖານີອາວະກາດນານາຊາດ ປະເທດຄາຊັດສະຖານ ເມື່ອເວລາ 4:40 ນາທີ ຕາມເວລາທ້ອງຖິ່ນ ໂດຍມີ 2 ນັກບິນອາກາດ “ນິດ ເຮກ” ນັກບິນອາວະກາດຈາກນາຊ່າ ແລະ Aleksey Ovchinin ນັກບິນອາວະກາດສັນຊາດຣັດເຊຍ.
ແຕ່ໃນລະຫວ່າງທີ່ຍານອາວະກາດໂຊຍຸສ MS10 ເດີນທາງອອກໄປບໍ່ດົນກໍ່ໄດ້ເກີດບັນຫາຂັດຂ້ອງຂຶ້ນ ເຮັດໃຫ້ຕ້ອງນຳຍານດັ່ງກ່າວ ພ້ອມນັກບິນ 2 ຄົນກັບຄືນສູ່ໂລກ ໂດຍມີລາຍງານເບື້ອງຕົ້ນວ່າ ນັກບິນທັງສອງປອດໄພດີ ແລະ ຍັງສາມາດຕິດຕໍ່ໄປທີ່ຍານໂຊຍຸສໄດ້ ໂດຍທີມງານຄົ້ນຫາ ແລະ ກູ້ໄພກຳລັງເດີນທາງໄປຫາຕຳແໜ່ງທີ່ຍານລຳດັ່ງກ່າວຈອດຢູ່ ຫາກມີຄວາມຄືບໜ້າຈະລາຍງານໃຫ້ຊາບຕໍ່ໄປ.
ຮຽບຮຽງບົດ: ບຸດສະດີ ສາຍນ້ຳມັດ
ແຫຼ່ງຂໍ້ມູນ: news.mthai.com
ຮູບປະກອບ: sanook.com
ວິດີໂອປະກອບຂ່າວ: NASA