ສຳນັກຂ່າວAP ລາຍງານຈາກແຫຼມຄານາເວີຣັລ ປະເທດອາເມລິກາ ເມື່ອວັນທີ 3 ຕຸລາ 2018 ເຜີຍ ທ່ານ ອາເລັກ ເທຍເຊ ແລະ ທ່ານ ເດວິດ ຄິບປິງ 2 ນັກວິໄຈດາລາສາດ ຂອງມະຫາວິທະຍາໄລໂຄລຳເບຍ ໃນນະຄອນນິວຢອກ ສະຫະລັດອາເມລິກາ ໄດ້ນຳສະເໜີຫຼັກຖານການຄົ້ນພົບເມື່ອວັນພຸດ ເຊິ່ງຫາກການຄົ້ນພົບໄດ້ຮັບການຮັບຮອງກໍ່ຈະເປັນຄັ້ງທຳອິດທີ່ມີການຄົ້ນພົບດວງຈັນບໍລິເວນດາວເຄາະນອກລະບົບສຸລິຍະຂອງເຮົາ.
ມີດາວເຄາະຫຼາຍດວງທີ່ຢູ່ນອກລະບົບສຸລິຍະ ແຕ່ດວງຈັນບໍລິເວນດາວເຄາະເຫຼົ່ານີ້ ຍັງບໍ່ເຄີຍມີການຢືນຢັນການຄົ້ນພົບ ດວງຈັນທີ່ສອງນັກດາລາສາດອາດຈະຄົ້ນພົບ ມີຂະໜາດກວ່າໂລກມະນຸດ ຂະໜາດປະມານດາວເນັບຈູນ ຫຼື ດາວຢູເຣນັສ ສ່ວນດາວເຄາະທີ່ມັນໝູນຮອບ ຮຽກຊື່ວ່າ ດາວເຄບເລີຣ໌ – 1625ບີ ມີຂະໜາດໃຫຍ່ ເທົ່າກັບດາວຈູປີເຕີ ຫຼື ດາວພະຫັດ ດວງດາວທັງສອງນີ້ເຕັມໄປດ້ວຍແກ໊ສ ແລະ ຢູ່ຫ່າງຈາກໂລກມະນຸດອອກໄປໄກເຖິງ 8,000 ປີແສງ.
ທຽນເຊ ແລະ ຄິບປິງ ຂຽນໃນລາຍງານຜົນວິໄຈວ່າ ການຄົ້ນພົບຂອງພວກເຂົາ ອາດຈະໄດ້ຮັບການຢືນຢັນ ແລະ ຮັບຮອງ ຢ່າງໄວທີ່ສຸດປະມານຕົ້ນປີໜ້າ.
https://youtu.be/GpHGn4vJeDI
ຮຽບຮຽງຂ່າວ: ບຸດສະດີ ສານນ້ຳມັດ
ແຫຼ່ງຂ່າວ: www.dailynews.co.th
ຄລິບວິດີໂອປະກອບ: GeoBeats News
ຮູບປະກອບ: trueplookpanya.com