spot_img
Homeມຸມຂ່າວ AECກອງປະຊຸມ AIPA ຄັ້ງທີ 35 ໄຂຂຶ້ນຢ່າງເປັນທາງການ ຢູ່ນະຄອນຫລວງວຽງຈັນ

ກອງປະຊຸມ AIPA ຄັ້ງທີ 35 ໄຂຂຶ້ນຢ່າງເປັນທາງການ ຢູ່ນະຄອນຫລວງວຽງຈັນ

Published on

 

ກອງປະຊຸມສະມັດຊາລັດຖະສະພາລະຫວ່າງຊາດອາຊຽນ ຫລື ໄອປາ (AIPA) ຄັ້ງທີ 35​ ໄດ້ໄຂຂຶ້ນຢ່າງເປັນທາງການ

ໃນວັນທີ 16 ກັນຍານີ້, ຢູ່ໂຮງແຮມດອນຈັນພາເລດ ນະຄອນຫລວງວຽງຈັນ ພາຍໃຕ້ການເປັນປະ ທານຂອງທ່ານ

ນາງ ປານີ ຢາທໍຕູ້ ປະທານສະພາແຫ່ງຊາດລາວ, ໂດຍການໃຫ້ກຽດເຂົ້າຮ່ວມ ແລະ ກ່າວເປີດກອງປະຊຸມດັ່ງກ່າວ

ຂອງ ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງສ ປປ ລາວ, ມີບັນດາປະທານ, ຮອງປະທານ, ມີຄະນະຜູ້

ແທນລັດຖະສະພາບັນດາປະເທດສະມາຊິກອາຊຽນ, ຄະນະຜູ້ແທນສັງເກດການ, ອົງການຈັດຕັ້ງສາກົນກ່ຽວຂ້ອງ

ເຂົ້າຮ່ວມເປັນຈຳນວນຫລາຍ ແລະ ກອງປະຊຸມສຳຄັນຄັ້ງນີ້ໄດ້ມີຫົວຂໍ້ວ່າ :“ປັບປຸງການຮ່ວມມືລັດຖະສະພາໃຫ້

ເຂັ້ມແຂງເພື່ອສ້າງປະຊາຄົມອາຊຽນ ”.

 

ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ກ່າວປາ ໄສເປີດກອງປະຊຸມສຳຄັນຄັ້ງນີ້ວ່າ: ກອງປະຊຸມໄດ້ໄຂຂຶ້ນ

ທ່າມກາງສະພາບການພາກພື້ນ ແລະ ສາກົນ ສືບຕໍ່ຜັນແປໄປຢ່າງໄວວາ ແລະ ສັບສົນ, ຢູ່ຫລາຍພາກພື້ນໃນໂລກ

ຍັງມີສິ່ງທ້າທາຍຫລາຍປະການເຊັ່ນ: ຄວາມບໍ່ສະຫງົບດ້ານການເມືອງ, ຂໍ້ຂັດແຍ່ງດ້ານດິນແດນ, ການປ່ຽນແປງ

ດິນຟ້າອາກາດ, ໄພພິບັດທຳມະຊາດ, ພະຍາດລະບາດ, ຄວາມບໍ່ໝັ້ນຄົງດ້ານສະບຽງອາຫານ ແລະ ພະລັງງານ,

ການຟື້ນໂຕຂອງເສດຖະກິດໂລກຍັງບໍ່ທັນໝັ້ນທ່ຽງ, ແຕ່ອັນສຳຄັນ ທ່າອ່ຽງລວມຂອງສັງຄົມຍັງແມ່ນ ການຮ່ວມ

ມືເພື່ອພັດທະນາເສດຖະກິດ-ສັງຄົມຂອງແຕ່ລະປະເທດ.  ອາຊຽນເປັນພາກພື້ນໜຶ່ງ ໂດຍລວມແມ່ນມີສັນຕິພາບ

ແລະ ສະຖຽນລະພາບຊຶ່ງເປັນໝາກ ຜົນຂອງການຮ່ວມມື ກັນພາຍໃນອາຊຽນ ແລະ ລະຫວ່າງອາຊຽນກັບຄູ່ຮ່ວມ

ມືພາຍນອກ ບົນພື້ນຖານຫລັກການທີ່ອາຊຽນສ້າງຂຶ້ນ ຊຶ່ງບໍ່ສະເພາະເປັນການສ້າງສະພາບແວດລ້ອມທີ່ເອື້ອອຳ

ນວຍໃຫ້ແກ່ການຮ່ວມມືກັນໃນຂົງເຂດເສດຖະກິດ ແລະ ວັດທະນະທຳ-ສັງຄົມຂອງອາຊຽນເທົ່ານັ້ນ, ແຕ່ຍັງເປັນ

ການປະກອບສ່ວນສຳຄັນ ເຂົ້າໃນການປົກປັກຮັກສາ ແລະ ສົ່ງເສີມສັນຕິພາບ, ສະຖຽນລະພາບ ແລະ ການຮ່ວມ

ມືເພື່ອການພັດທະນາໃນພາກພື້ນ ແລະ ໃນໂລກນຳອີກ. ໄອປາ ໃນຖານະເປັນອົງການຮ່ວມມືລະຫວ່າງລັດຖະສະ

ພາ ແລະ ເປັນຕົວແທນແຫ່ງສິດຜົນປະໂຫຍດຂອງປະຊາຊົນ ຂອງບັນດາປະເທດສະມາຊິກອາຊຽນ, ໄດ້ປະກອບ

ສ່ວນອັນສຳຄັນ ເຂົ້າໃນຜົນສຳເລັດດັ່ງກ່າວ ແລະ ໃນລະຫວ່າງການພົບປະລະຫວ່າງຜູ້ນຳອາຊຽນ ແລະ ໄອປາທີ່

ເນປີດໍ ປະເທດມຽນມາໃນເດືອນພຶດສະພາ 2014 ຜ່ານມານີ້, ບັນດາຜູ້ນຳອາຊຽນໄດ້ຊຸກຍູ້ໃຫ້ ໄອປາ ເພີ່ມທະວີ

ບົດບາດຂອງຕົນ ໃນຂະນະທີ່ອາຊຽນພວມເພີ່ມທະວີຄວາມພະຍາຍາມ ເພື່ອສ້າງປະຊາຄົມອາຊຽນໃຫ້ສຳເລັດ

ໃນວັນທີ 31 ທັນວາ 2015.

 

ທ່ານນາງ ປານີ ຢາທໍຕູ້ ປະທານສະພາແຫ່ງຊາດລາວ, ປະທານກອງປະຊຸມໄອປາຄັ້ງນີ້ກ່າວວ່າ: ພາຍໃຕ້ຄຳຂວັນ

ດັ່ງກ່າວ, ກອງປະຊຸມກຳມະການສະມາຊິກລັດຖະສະພາເພດຍິງລະຫວ່າງຊາດອາຊຽນ (WAI PA), ຈະໄດ້ປຶກສາ

ຫາລືກ່ຽວກັບ ການປັບປຸງບົດບາດຂອງສະມາຊິກລັດຖະສະພາເພດຍິງ ລະຫວ່າງຊາດອາຊຽນໃຫ້ເຂັ້ມແຂງ ເພື່ອ

ປະກອບສ່ວນສ້າງປະຊາຄົມອາຊຽນ, ເພີ່ມທະວີຄວາມພະຍາຍາມສະກັດກັ້ນທຸກຮູບການຈຳແນກ ແລະ ໃຊ້ຄວາມ

ຮຸນ ແຮງຕໍ່ແມ່ຍິງ ແລະ ເດັກນ້ອຍໃນ ອາຊຽນ ແລະ ແມ່ຍິງມີພາວະຄວາມເປັນຜູ້ນຳຢູ່ໃນອາຊີຕາເວັນອອກສ່ຽງ

ໃຕ້. ນອກຈາກນີ້, ບັນຫາທີ່ຈະຍົກຂຶ້ນມາປຶກສາຫາລື ໃນກຳມາທິການຕ່າງໆນັ້ນ ລ້ວນແຕ່ກ່ຽວພັນກັບການເສີມ

ສ້າງສັນຕິພາບ, ສະຖຽນລະພາບ ແລະ ການຮ່ວມມືດ້ານເສດຖະກິດ-ສັງຄົມ ທີ່ມີປະສິດທິພາບ ເພື່ອຫລຸດຜ່ອນ

ຄວາມແຕກໂຕນດ້ານການພັດທະນາໃນອາຊຽນ ໂດຍຜ່ານການຍົກລະດັບຄວາມຮູ້ຄວາມສາມາດຂອງຜູ້ປະ

ກອບການ, ສົ່ງເສີມການເຕີບໂຕສີຂຽວ ເພື່ອການພັດທະນາແບບຢືນຍົງ, ກໍຄືການພັດທະນາສີມືແຮງງານຂອງ

ປະຊາຄົມອາຊຽນ ແລະ ການຄວບຄຸມພະຍາດລະບາດຕ່າງໆ ລ້ວນແຕ່ເປັນບັນຫາສຳຄັນເພື່ອສ້າງກຳລັງແຮງ

ງານທີ່ມີຄຸນນະພາບ ແລະ ຮັບປະກັນໃຫ້ປະຊາຊົນມີພະລານາໄມແຂງແຮງ ເພື່ອຮັບປະກັນການປະກອບສ່ວນ

ເຂົ້າໃນວຽກງານລວມຂອງປະຊາຄົມອາຊຽນ ພາຍໃຕ້ຄຳຂວັນ “ ວິໄສທັດໜຶ່ງດຽວ, ເອກກະລັກໜຶ່ງດຽວ ແລະ

ປະຊາຄົມໜຶ່ງດຽວ ”

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...