ສຳນັກຂ່າວຊິນຫົວຂອງລັດຖະບານຈີນ ລາຍງານວ່າ ເມື່ອວັນທີ 3 ຕຸລາ 2018 ສຳນັກງານພາສີແຫ່ງມົນທົນຈຽງຊູ ຖະແຫຼງການວ່າ ນາງ ຟ່ານ ປິງປິງ ຊຸບເປີ້ສະຕຣາແຫ່ງວົງການບັນເທີງຈີນ ໄວອາຍຸ 37 ປີ, ມີຄວາມຜິດ ໂທດຖານເຈດຕະນາ ແລະ ບິດເບືອນຂໍ້ມູນກ່ຽວກັບລາຍໄດ້ຈາກການເຮັດວຽກ ດ້ວຍການເຮັດສັນຍາທີ່ຮຽກວ່າ “ຫຍິນ-ຫຍາງ” ສ້າງຄວາມເສຍຫາຍໃຫຍ່ຫຼວງໃຫ້ແກ່ພາກສ່ວນທີ່ກ່ຽວຂ້ອງ ເນື່ອງຈາກເປັນພຶດຕິກຳຫຼົບຫຼີກພາສີຢ່າງຊັດເຈນ.

ດ້ວຍເຫດນີ້, ນາງ ຟ່ານ ປິງປິງ ຕ້ອງຈ່າຍຄ່າເສຍຫາຍເປັນຈຳນວນເງິນປະມານ 86 ລ້ານໂດລາຈາກຄວາມຜິດດັ່ງກ່າວ ແລະ ຕ້ອງຈ່າຍພາສີຍ້ອນຫຼັງພ້ອມຄ່າທຳນຽມລວມອີກປະມານ 42 ລ້ານໂດລາ. ໂດຍໃຫ້ ນາງ ຟ່ານ ປິງປິງ ຊຳລະເງິນທັງໝົດ “ພາຍໃນໄລຍະເວລາທີ່ກຳນົດ” ພະນັກງານສອບສວນຈະບໍ່ດຳເນີນຄະດີອາຍາກັບນາງ, ເຖິງຢ່າງໃດກໍ່ຕາມຍັງບໍ່ມີກນເປີດເຜີຍຢ່າງຊັດເຈນວ່າກຳນົດການນັ້ນຄືເມື່ອໃດ.

ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂ່າວ: dailynews.co.th
ຮູບປະກອບ: tnamcot.com