ແຫຼ່ງຂ່າວຈາກຫຼວງພະບາງ ລາຍງານວ່າ ຕອນເຊົ້າມື້ນີ້ 17/9/2014 ຝົນໄດ້ຕົກຫນັກອາດເປັນຜົນຈາກພາຍຸ ຕາມທີ່ກົມອຸຕຸນິຍົມແລະອຸທົກກະສາດໄດ້ເຕືອນໄປແລ້ວນັ້ນ. ເຮັດໃຫ້ຫຼວງພະບາງຫຼາຍຈຸດນ້ຳຖ້ວມໃນເຂດ ເທດສະບານ ແລະ ອ້ອມແອ້ມຕົວເມືອງ. ສົ່ງຜົນກະທົບຕໍ່ການສັນຈອນແລະການດຳລົງຊີວິດຂອງປະຊາຊົນແລ້ວ.
ໃນຂະນະທີ່ຄາດວ່າແຂວງອື່ນໆ ໃນພາກເໜືອກໍຄົງຈະໄດ້ຮັບຜົນກະທົບຈາກຝົນຕົກໜັກເຊັ່ນດຽວກັນ ແຕ່ຍັງບໍ່ມີລາຍງານເທື່ອ.
ຈຶ່ງຮຽກຮ້ອງໃຫ້ປະຊາຊົນທຸກເຂດທົ່ວປະເທດ ຈົ່ງມີສະຕິລະມັດລະວັງ ຕໍ່ເຫດການທີ່ຈະເກີດຂຶ້ນ ໂດຍສະເພາະແມ່ນເລື່ອງນ້ຳ.
ພາບແລະຂ່າວ: ຊາວຫຼວງພະບາງ