spot_img
Homeຂ່າວຕ່າງປະເທດຜູ້ຊ່ຽວຊານເຊື່ອ ກັບຕັນ MH370 ເຮັດໃຫ້ຜູ້ໂດຍສານຂາດອົກຊີເຢັນ ກ່ອນດິ່ງລົງທະເລ!

ຜູ້ຊ່ຽວຊານເຊື່ອ ກັບຕັນ MH370 ເຮັດໃຫ້ຜູ້ໂດຍສານຂາດອົກຊີເຢັນ ກ່ອນດິ່ງລົງທະເລ!

Published on

 

ຜູ້ຊ່ຽວຊານເປີດເຜີຍຂໍ້ສັນນິຖານໃໝ່ ກັບຕັນຖ້ຽວບິນ MH370 ທີ່ຍັງຫາຍສາບສູນ ອາດເຮັດໃຫ້ຜູ້ໂດຍສານຂາດອົກຊີ

ເຢັນເສຍຊີວິດຍົກລຳ ກ່ອນດິ່ງລົງມະຫາສະໝຸດ.

 

ເມື່ອວັນທີ 16 ກັນຍາ 2014 ສຳນັກຂ່າວຕ່າງປະເທດລາຍງານວ່າ ການສືບສວນກໍລະນີຖ້ຽວບິນ MH370 ມາເລເຊຍ

ແອຣ໌ລາຍ ບິນຫາຍສາບສູນນັ້ນ ຜູ້ຊ່ຽວຊານເປີດເຜີຍຄວາມເຊື່ອທີ່ວ່າ ກັບຕັນໜ້າຈະວາງແຜນການຄາດຕະກຳໝູ່ໄວ້

ກ່ອນຂຶ້ນບິນແລ້ວ ແລະ ອາດເຮັດໃຫ້ຜູ້ໂດຍສານຂາດອົກຊີເຢັນຍົກລຳ ລວມທັງລະບົບການສື່ສານຕ່າງໆ ກ່ອນທີ່ເຮືອ

ບິນຈະສູນຫາຍໄປຈາກຈໍຣາດາ.

 

ທ່ານ ອີວານ ວິນສັນ ຜູ້ຈັດການສາຍການບິນກີວີແອຣ໌ໄລ ເຊິ່ງເຄີຍເປັນນັກບິນໄດ້ເປີດເຜີຍວ່າ ຈາກການກວດສອບຂໍ້

ສັນນິຖານທີ່ເປັນໄປໄດ້ນັ້ນ ເຂົາມີເຊື່ອວ່າ ກັບຕັນ ຊາຮາຣີ ອາໝັດ ຊາ ອາຍຸ 53 ປີ ເຊິ່ງເປັນຜູ້ຄວບຄຸມຖ້ຽວບິນດັ່ງກ່າວ

ໜ້າຈະມີການວາງແຜນການກໍ່ວິນາດສະກຳເຮືອບິນ ໂດຍເຂົາໄດ້ລັອກໂຕເອງ ແລະ ນັກບິນຜູ້ຊ່ວຍໄວ້ນອກຫ້ອງນັກ

ບິນ ແລ້ວປິດລະບົບສື່ສານ ແລະ ຫລຸດຄວາມກົດດັນອາກາດພາຍໃນຫ້ອງໂດຍສານ ເພື່ອໃຫ້ຜູ້ໂດຍສານ ແລະ ໂຕຂອງ

ເຂົາເອງຂາດອົກຊີເຢັນຈົນເສຍຊີວິດ.  ພ້ອມນັ້ນ ທ່ານ ວິນສັນ ຍັງໄດ້ກ່າວວ່າ ຕະຫລອດໄລຍະເວລາ 30 ປີທີ່ຜ່ານມາ

ມີເຫດການຂ້າໂຕຕາຍເທິງເຮືອບິນລັກສະນະແບບນີ້ມາແລ້ວ 5 ຄັ້ງ ໂດຍໄດ້ພາກຊີວິດຜູ້ຄົນໄປກ່ວາ 422 ຊີວິດ ແລະ

ຫາກລວມກັບໂສກນາດຕະກຳທີ່ເກີດກັບ MH370 ນີ້ເຂົ້າໄປນຳ ກໍຈະມີຜູ້ເສຍຊີວິດເຖິງ 661 ຄົນ.

 

ທ່ານ ວິນສັນ ຍັງໄດ້ອະທິບາຍວ່າ ຫລັງຈາກທີ່ເກີດເຫດສຸກເສີນເທິງເຮືອບິນແລ້ວ ເຖິງແມ່ນວ່າໜ້າກາກອົກຊີເຢັນ

ຈະຕົກລົງມາຢູ່ເທິງຫົວຂອງຜູ້ໂດຍສານເພື່ອໃຫ້ສວມໃສ່ກໍຕາມ ແຕ່ກໍສາມາດໃຫ້ອົກຊີເຢັນໄດ້ພຽງແຕ່ 20 ນາທີເທົ່າ

ນັ້ນ ຫາກຍິ່ງມີຜູ້ໂດຍສານຄົນໃດນອນຫລັບຢູ່ ແລ້ວບໍ່ໄດ້ດຶງເອົາໜ້າກາກອົກຊີເຢັນມາສວມໃສ່ ກໍຈະເສຍຊີວິດພາຍ

ໃນເວລາບໍ່ພໍເທົ່າໃດນາທີ, ສ່ວນຕົວກັບຕັນເອງນັ້ນ ກ່ອນທີ່ເຂົາຈະໝົດສະຕິໄປ ກໍໄດ້ຕັ້ງລະບົບໂອໂຕໄພລັອດ ຫລື

ລະບົບການບິນອັດຕະໂນມັດໄວ້ຮຽບຮ້ອຍ ຈາກນັ້ນເຮືອບິນຈິ່ງບິນຕໍ່ໄປ ແລະ ໄດ້ດິ່ງລົງພື້ນສູ່ມະຫາສະໝຸດເລິກທັງລຳ

ດ້ວຍຄວາມໄວສູງ ເຊິ່ງນັ້ນເປັນເຫດຜົນທີ່ວ່າ ເປັນຫຍັງພວກເຮົາຈິ່ງບໍ່ພົບຊາກເຮືອບິນລອຍເໜືອຜິວມະຫາສະໝຸດ.

 

ຢ່າງໃດກໍດີ ການເປີດເຜີຍຂອງວິນສັນນັ້ນ ຍັງຄົງເປັນພຽງໜຶ່ງໃນຂໍ້ສັນນິຖານທີ່ຍັງຄົງຫາຫລັກຖານບໍ່ໄດ້ເທື່ອ ເຊັ່ນ

ດຽວກັນກັບຂໍ້ສັນນິຖານອື່ນໆທີ່ມີອອກມາ.

 

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...