ເມື່ອວັນທີ 21 ກັນຍາ 2018 China Xinhua News ລາຍງານຂ່າວວ່າ ໂຮງໝໍແຫ່ງໜຶ່ງຈາກມົນທົນຈຽງຊີ ທາງຕາເວັນອອກຂອງປະເທດຈີນ ກາຍເປັນໂຮງໝໍແຫ່ງທຳອິດຂອງໂລກທີ່ໃຊ້ນະວັດຕະນະກຳລໍ້າສະໄໝ ສະແກນຈ່າຍເງິນຜູ້ປ່ວຍດ້ວຍໜ້າ ເພື່ອເພີ່ມຄວາມສະດວກ ແລະ ວ່ອງໄວໃນການບໍລິການ.
ພາຍຫຼັງຮັບຮູ້ວ່າ ໂຮງໝໍແຫ່ງນີ້ໄດ້ນຳເທັກໂນໂລຍີການຈົດຈຳໃບໜ້າມາຈາກບໍລິການຊຳລະເງິນທາງອອນໄລນ໌ຂອງບໍລິສັດ Alibaba Ant Financial ເຊິ່ງເປັນບໍລິສັດລູກຂອງອາລິບາບາ ທີ່ທ່ານ ແຈັກ ໝ່າ ເປັນຜູ້ກໍ່ຕັ້ງ ມາທົດລອງໃຊ້ກັບລະບົບຊຳລະເງິນຂອງໂຮງໝໍ ເພື່ອເພີ່ມຄວາມສະດວກໃຫ້ກັບຜູ່ປ່ວຍໂດຍບໍ່ຕ້ອງລໍຄິວດົນອີກຕໍ່ໄປ ໂດຍຕິດຕັ້ງເຄື່ອງສະແກນໃບໜ້າຊຳລະເງິນອັດຕະໂນມັດນີ້ ທາງໂຮງໝໍໄດ້ຕິດຕັ້ງເຄື່ອງສຳລັບບໍລິການຕົວເອງໄວ້ກວ່າ 40 ເຄື່ອງ ນອກຈາກນີ້ຜູ່ປ່ວຍຍັງສາມາດໃຊ້ເຄື່ອງນີ້ເຮັດການນັດໝາຍ ແລະ ການລົງທະບຽນໄດ້ອີກດ້ວຍ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂ່າວ ແລະ ຮູບພາບປະກອບ: khaosod.co.th