ທ່ານ ພັນຕີ ຍຸດຕະພົງ ສຸວັນນະສິງ ຫົວໜ້າພະແນກຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ໃນໄລຍະດຳເນີນ
ກອງປະຊຸມສະມັດຊາລັດຖະສະພາລະຫວ່າງຊາດອາຊຽນ (AIPA) ຄັ້ງ ທີ 35 ທີ່ຈັດຂຶ້ນຢູ່ນະຄອນຫລວງວຽງຈັນ
ໃນລະຫວ່າງວັນທີ 14 – 20 ກັນຍານີ້, ເຈົ້າໜ້າທີ່ພວກເຮົາຈະໄດ້ປິດການສັນຈອນໃນເສັ້ນທາງແຄມຂອງນັບແຕ່ຈຸດ
ສີ່ແຍກໄຟແດງໂຮງຮຽນການຊ່າງລາວເຢຍລະມັນ ມາຮອດຈຸດສາມແຍກແຄມຂອງ ໂຄ້ງມາຕໍ່ໃສ່ເສັ້ນທາງໂຮງໝໍ
ມະໂຫສົດຊົ່ວຄາວ, ສະນັ້ນ, ຈຶ່ງຂໍການຮ່ວມມືນຳຜູ້ໃຊ້ລົດໃຊ້ຖະໜົນໃຫ້ຫລີກລຽງການ ສັນຈອນບົນເສັ້ນທາງດັ່ງກ່າວ
ແລະ ໄປນຳໃຊ້ເສັ້ນ ທາງອື່ນແທນຈົນກວ່າກອງປະ ຊຸມສຳເລັດລົງຈຶ່ງຈະເປີດການສັນຈອນຕາມປົກກະຕິ, ທັງນີ້ກໍ
ເພື່ອຮັບປະກັນໃຫ້ການສັນຈອນບົນເສັ້ນທາງສາຍຫລັກໃນຕົວ ເມືອງເວົ້າລວມ, ເວົ້າສະເພາະໃນເສັ້ນທາງທີ່ກ່າວມາ
ນັ້ນໄດ້ອຳນວຍຄວາມສະດວກໃຫ້ແກ່ຄະນະຜູ້ແທນ ແລະ ແຂກທີ່ເຂົ້າຮ່ວມກອງປະຊຸມດັ່ງກ່າວ, ນອກຈາກນີ້, ຕາມ
ເສັ້ນທາງສຳຄັນຕ່າງໆເປັນຕົ້ນ: ຖະໜົນຫລວງພະບາງ, ສຸພານຸວົງ, ລ້ານຊ້າງ, ສາມແສນໄທ, ເສດຖາທິລາດ, ຟ້າງຸ່ມ
ແລະ ອື່ນໆ, ພວກເຮົາໄດ້ຈັດວາງກຳລັງເຈົ້າໜ້າທີ່ຈຳນວນຫລາຍຄົນ ລົງປະຈຳການຢູ່ຕາມຈຸດສາມແຍກ – ສີ່ແຍກ
ເພື່ອປະຕິບັດໜ້າທີ່ລະບາຍການສັນຈອນໃຫ້ມີຄວາມຄ່ອງຕົວ, ພ້ອມນີ້ ກໍຂໍໃຫ້ຜູ້ຂັບຂີ່ເພີ່ມສະຕິລະວັງຕົວໃນການ
ສັນຈອນໄປມາ, ເຄົາລົບລະບຽບກົດໝາຍ ແລະ ຫລີກລ້ຽງການຂັບຂີ່ໂດຍປະໝາດ, ເພື່ອຮັບປະກັນໃຫ້ການສັນຈອນ
ໃນຕົວເມືອງມີຄວາມເປັນລະບຽບ ແລະ ມີຄວາມປອດໄພ.
ແຫລ່ງຂ່າວ: ລາວພັດທະນາ