ປະຊາຊົນໃນພື້ນທີ່ທາງພາກເໜືອຂອງລັດກາລີຟໍເນຍ ໄດ້ຮັບຄຳສັ່ງໃຫ້ຖິ້ມເຮືອນທີ່ຢູ່ອາໄສ ຫລັງຖືກໄຟປ່າຄຸກຄາມ.
ສຳນັກຂ່າວຕ່າງປະເທດ ລາຍງານໃນວັນທີ 15 ກັນຍາ 2014 ຜ່ານມາວ່າ ປະຊາຊົນນັບພັນຄົນທີ່ອາໄສໃນເມືອງມາເດີ
ຣາ ໄດ້ຖືກເຈົ້າໜ້າທີ່ສະຫະລັດສັ່ງໃຫ້ອົບພະຍົບໜີໄຟປ່າ ທີ່ເຜົາໄໝ້ພື້ນທີ່ປ່າເສຍຫາຍເກືອບ 130 ເຮັກຕາ ໂດຍທາງ
ກົມປ່າໄມ້ ແລະ ກົມປ້ອງກັນອັກຄີໄພຂອງສະຫະລັດກ່າວ.
ທັງນີ້ ເຈົ້າໜ້າທີ່ດັບເພີງກ່ວາ 400 ຄົນ ໄດ້ຖືກຮຽກໃຫ້ເຂົ້າຄວບຄຸມເພີງ ທີ່ກຳລັງເຜົາໄໝ້ທຳລາຍອາຄານຕ່າງໆເສຍ
ຫາຍຢ່າງໜ້ອຍ 10 ແຫ່ງ, ສ່ວນທາງດ້ານພາກຕາເວັນອອກສຽງໃຕ້ຂອງເມືອງລອສແອງເຈີລີສ ເຈົ້າໜ້າທີ່ດັບເພີງ
ກ່ວາ 1000 ຄົນ ຖືກໝູນວຽນເຂົ້າປະຕິບັດງານໃນພື້ນທີ່ຕະຫລອດເວລາ ແລະ ຫາກໍໄດ້ປະກາດຍົກເລີກການອົບພະ
ຍົບ ເມື່ອຕອນແລງຂອງວັນອາທິດທີ 14 ກັນຍາ 2014 ຜ່ານມານີ້.