ເມື່ອວັນທີ 23 ສິງຫາ 2018 ເອເອຟພີລາຍງານວ່າ ອົງການນາຊ່າ ປະກາດເຕືອນຄວາມສ່ຽງຈາກເຫດອຸກາບາດເຄື່ອນຜ່ານໃກ້ໂລກໃນເວລາ 8:00ໂມງ ຂອງວັນທີ 29 ສິງຫາ 2018 ຕາມເວລາບ້ານເຮົາ ໂດຍຈາກການຄຳນວນຄາດວ່າ ອຸກາບາດ 2016 ເອັນເອຟ 23 ຈະກາຍໂລກໄປໃນໄລຍະທາງ 0.03377 ເອຢູ ຫຼື ປະມານ 4.8 ລ້ານກິໂລແມັດ
ນາຊ່າລະບຸວ່າ ອຸກາບາດ 2016 ເອັນເອຟ23 ມີຄວາມກວ້າງ 70 ແມັດ, ຍາວ 160 ແມັດ ແລະ ສູງ 139ແມັດ ຖືວ່າມີຂະໜາດໃຫຍ່ກວ່າມະຫາພິລະມິດກີຊາໃນອີຢິບ ເຄື່ອນຕົວເຂົ້າໃກ້ໂລກດ້ວຍຄວາມໄວ 9 ກິໂລແມັດຕໍ່ວິນາທີ ຫຼື ປະມານ 32,400 ກິໂລແມັດຕໍ່ຊົ່ວໂມງ ຖືວ່າໄວກວ່າເຮືອບິນໂດຍສານທີ່ໄວທີ່ສຸດເກືອບ 15 ເທົ່າ ແຕ່ອຸກາບາດລູກນີ້ຈະໂຄຈອນເຂົ້າໃກ້ໂລກເທົ່ານັ້ນ ບໍ່ໄດ້ຕຳກັບໂລກແຕ່ຢ່າງໃດ ຈິ່ງຖືວ່າເປັນຂ່າວດີ
ແຫລ່ງຂ່າວ: khaosod, express.co.uk