spot_img
Homeຂ່າວຕ່າງປະເທດເອີຣົບສົ່ງດາວທຽມສໍາຫລວດກະແສລົມໂລກ (ມີວິດີໂອ)

ເອີຣົບສົ່ງດາວທຽມສໍາຫລວດກະແສລົມໂລກ (ມີວິດີໂອ)

Published on

ສໍານັກຂ່າວຕ່າງປະເທດລາຍງານຈາກນະຄອນຫລວງປາຣີ, ປະເທດ ຝຣັ່ງ ເມື່ອວັນທີ 23 ສິງຫາ ວ່າ: “ຈະຫລວດເວກາ” ຂອງອົງການອະວາກາດເອີຣົບ (ອີຊາ) ອອກເດີນທາງຈາກຖານປ່ອຍຈະຫຼວດພາຍໃນສູນອະວາກາດເກຍນາ ທີ່ເມືອງຄູຣູ ແຄມຝັ່ງທາງທິດຕະເວັນອອກສຽງເໜືອຂອງເຟຣນເກຍນາ ຊຶ່ງເປັນດິນແດນພົ້ນທະເລຂອງຝຣັ່ງ. ເມື່ອເວລາ 18.20 ນາທີ ຕາມເວລາທ້ອງຖິ່ນຂອງວັນພຸດ (03:20 ນາທີ ເວລາໃນປະເທດລາວ) ເພື່ອນໍາສົ່ງດາວທຽມ “ ເອໂອລັສ ” ຜະລິດໂດຍບໍລິສັດ ແອບັສ.

https://www.facebook.com/itvnews/videos/283455165584753/

ດາວທຽມເອໂອລັສ ເປັນຊື່ຂອງເທບພະເຈົ້າແຫ່ງສາຍລົມ ຕາມຕໍານານເລື່ອງເທບຂອງເກຣັກ ຈະໂຄຈອນຢູ່ທີ່ລະດັບ 320 ກິໂລແມັດເໜືອໜ້າໂລກ ເພື່ອເຮັດໜ້າທີ່ເກັບຮວບຮວມຂໍ້ມູນທັງໝົດທີ່ກ່ຽວຂ້ອງກັບລະບົບກະແສລົມເທິງໂລກ ແລ້ວສົ່ງຂໍ້ມູນດ້ວຍລະບົບເລເຊີທີ່ມີຄວາມຊັດເຈນສູງກັບມາຍັງຖານປະຕິບັດການພາກພື້ນດິນ ຕັ້ງຢູ່ທີ່ເມືອງສະວາບາ ໃນນໍເວ ເຊິ່ງທີມງານຈະນໍາຂໍ້ມູນເຫຼົ່ານັ້ນໄປວິເຄາະ ເພື່ອພັດທະນາປະສິດທິພາບຂອງວຽກງານດ້ານ ອຸຕຸນິຍົມວິທະຍາ ແລະ ການປ້ອງກັນໄພທໍາມະຊາດຕໍ່ໄປ ໂດຍສະເພາະໃນສ່ວນທີ່ກ່ຽວຂ້ອງກັບການພະຍາກອນ ການເກີດພາຍຸ.

ສໍາລັບດາວທຽມເອໂອລັສ ເຊິ່ງເປັນສ່ວນໜຶ່ງຂອງໂຄງການ “ ໂຄເປນິຄັສ ” ແລະ ຮັບພາລະກິດສໍາຫຼວດ-ສ້າງຄວາມເຂົ້າໃຈກັບໂລກ, ໂຄງການທີ່ 5 ຂອງອີຊາ ຕໍ່ຈາກປະຕິບັດການເລື່ອງແຮງໂນ້ມຖ່ວງ ແລະ ສະໜາມແມ່ເຫຼັກໂລກ. ການວິເຄາະຄວາມຊຸ່ມໃນດິນ, ການສຶກສາລະດັບຄວາມເຄັມຂອງມະຫາສະໝຸດ ແລະ ການສໍາຫຼວດລະບົບພູມອາກາດ “ ໄຄໂອເຟຍ ” ໝາຍເຖິງສ່ວນທີ່ເປັນນໍ້າກ້ອນທັງໃຕ້ພິພົບ ແລະ ເທິງໜ້າດິນ.

 

 

ແຫລ່ງຂ່າວຕ່າງປະເທດ: TDN, ITV News

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...