ສຳນັກຂ່າວຕ່ງປະເທດລາຍງານຈາກເມືອງບຣາຊິນເລຍ, ປະເທດບຣາຊິນ ເມື່ອວັນທີ 19 ສິງຫາ ວ່າກະຊວງປ້ອງກັນຄວາມສະຫງົບສາທາລະນະ ຂອງບຣາຊິນ ອອກຖະແຫລງການເມື່ອວັນອາທິດ ກະກຽມເສີມກຳລັງທະຫານໃນເມືອງປາກາໄຣມາ ຊື່ງຕັ້ງຢູ່ທາງເຫນືອສຸດຂອງລັດໂຣໄຣມາ ແລະ ມີພົມແດນຕິດກັບເວເນຊູເອລາ ຕາມຄຳສັ່ງຂອງປະທານາທິບໍດີມິເຊວ ເຕເມຣ໌ ເພຶ່ອຄວບຄຸມສະຖານະການບໍລິເວນຈຸດຜ່ານ ຫລັງເກີດເຫດການປະທະກັນຢ່າງດຸເດືອດລະຫວ່າງປະຊາຊົນໃນພື້ນທີ່ກັບກຸ່ມຜູ້ອົບພະຍົບພົນລະເມືອງເວເນຊູເອລາ ທີ່ສືບເນື່ອງມາຈາກເຫດການປຸ້ນຮ້ານຂາຍສິນຄ້າແຫ່ງຫນື່ງ ແລ້ວເຈົ້າຂອງຮ້ານຖືກທຳຮ້າຍຈົນບາດເຈັບສາຫັດ ແລະ ຜູ້ຄົນສ່ວນໃຫຍ່ເຊື່ອວ່າເປັນການກະທຳຂອງກຸ່ມຄົນຜູ້ອົບພະຍົບເວເນຊູເອລາ.
President Nicolás Maduro devalues Venezuela currency by 95% while raising the minimum wage ahead of the August 20 roll-out of a new bolivar #tictocnews pic.twitter.com/nQV6gb7z5p
— Bloomberg Originals (@bbgoriginals) August 20, 2018
ລາຍງານຂອງທາງການລັດໂຣໄຣມາ ລະບຸນໍາວ່າ ພົນລະເຮືອນເວເນຊູເອລາຫລາຍກວ່າ 50,000 ຄົນຫລັງໄຫລຂ້າມພົມແດນບໍລິເວນເມືອງປາກາໄຣມາເຂົ້າມາ ຄິດເປັນຈຳນວນສັດສ່ວນແມ່ນ 10% ເມື່ອທຽບກັບພົນລະເມືອງທ້ອງຖີ່ນທີ່ມີຢູ່ປະມານ 520,000 ຄົນ. ຢ່າງໃດກໍຕາມ, ອີງຕາມຂໍ້ມູນຈາກສຳນັກງານຕຳຫລວດກວດກາຄົນເຂົ້າເມືອງແຫ່ງລັດໂຣໄຣມາລະບຸວ່າ ຈາກຈຳນວນພົນລະເມືອງເວເນຊູເອລາ ທີ່ຂ້າມພົມແດນມາທັງຫມົດນັ້ນແມ່ນມີຫລາຍກວ່າ 1,200 ຄົນ ຍິນຍອມເດີນທາງກັບປະເທດແລ້ວ.
ສະຖານະການທີ່ເມືອງປາກາໄຣມາແມ່ນເກີດຂື້ນໃນເວລາດຽວກັບທີ່ລັດຖະບານເອກວາດໍ ແລະ ເປຣູ ປະກາດໃຫ້ພົນລະເມືອງສັນຊາດເວເນຊູເອລາ ທີ່ອົບພະຍົບຂ້າມພົມແດນມາຈາກໂກໂລມບີ ແມ່ນຕ້ອງສະແດງຫນັງສືເດີນທາງເທົ່ານັ້ນ ຈື່ງຈະສາມາດຂ້າມພົມແດນໄປໄດ້. ທັງນີ້ແມ່ນ ເພື່ອຫວັງຄວບຄຸມສະຖານະການ ການຫລັ່ງໄຫລເຂົ້າເມືອງຂອງພົນລະເມືອງເວເນຊູເອລາ ທີ່ຕ້ອງຫລົບຫນີພາວະວິກິດຂອງເສດຖະກິດພາຍໃນປະເທດ.
ຢ່າງໃດກໍຕາມຫນັງສືເດີນທາງຂ້າມພົມແດນແມ່ນເອກະສານທີ່ດຳເນີນຍາກຫລາຍໃນເວເນຊູເອລາ ສືບເນື່ອງຈາກການຂາດດຸນງົບປະມານຢ່າງຫນັກຂອງລັດຖະບານ. ຂະນະທີ່ລັດຖະບານໂບໂກຕາ ກັງວົນວ່າມາຕະການຂອງເອກວາດໍ ແລະ ເປຣູ ຈະສົ່ງຜົນໃຫ້ເກີດການຕົກຄ້າງຂອງຜູ້ອົບພະຍົບເວເນຊູເອລາໃນໂກໂລມບີ ຊື່ງຢືນຢັນບໍ່ຮັບຮອງການເປັນທີ່ພັກພຶງຊົ່ວຄາວແລ້ວ ຫລັງອະນຸຍາດ ສະຖານະນີ້ໃຫ້ກັບພົນລະເມືອງເວເນຊູເອລາແລ້ວຫລາຍກວ່າ 800,000 ຄົນ.
ແຫລ່ງຂ່າວຕ່າງປະເທດ: TDN, Tictoc by Bloomberg