spot_img
Homeຂ່າວພາຍ​ໃນຄອບຄົວທ່ານປະທານປະເທດ ມອບເງິນ 270 ລ້ານກີບຊ່ວຍເຫຼືອຜູ້ປະສົບໄພນ້ຳຖ້ວມຢູ່ແຂວງອັດຕະປື

ຄອບຄົວທ່ານປະທານປະເທດ ມອບເງິນ 270 ລ້ານກີບຊ່ວຍເຫຼືອຜູ້ປະສົບໄພນ້ຳຖ້ວມຢູ່ແຂວງອັດຕະປື

Published on

ໜັງສືພິມວຽງຈັນໃໝ່ ລາຍງານໃຫ້ຮູ້ວ່າ ໃນ​ຕອນ​ແລງ​ຂອງ​ວັນ​ທີ 10 ສິງ­ຫາ 2018 ທ່ານ​ນາງ ຄຳ​ເມິງ ວໍ­ລະ​ຈິດ ພັນ​ລະ​ຍາ​ທ່ານ​ປະ­ທານ​ປະ­ເທດ ບຸນ​ຍັງ ວໍ­ລະ​ຈິດ ພ້ອມ​ລູກ​ຫຼານຈາກ​ນະ­ຄອນ­ຫຼວງ​ວຽງ​ຈັນ ໄດ້​ນຳ​ເອົາ​ວັດ­ຖຸ​ສິ່ງ​ຂອງ ແລະ ເງິນ ສົດ​ຈຳ­ນວນ 270 ລ້ານ​ກີບ ໄປ​ຊ່ວຍ­ເຫຼືອ​ຜູ້​ປະ­ສົບ​ໄພ​ນ້ຳ​ຖ້ວມ ຢູ່​ແຂວງ​ອັດ​ຕະ​ປື.

ໃນ​ຈຳ­ນວນ​ເງິນ​ຊ່ວຍ­ເຫຼືອ ໃນ​ນີ້ 150 ລ້ານ​ກີບ ແມ່ນ​ມອບ​ທ່ານ​ນາງ ນິ​ພາ​ພອນ ໄຊ​ສົມ​ພູ ຮອງ​ເລ­ຂາ​ພັກ​ແຂວງ ຄະ­ນະ​ປະ­ຈຳ​ພາກ​ສະ­ໜາມ​ແກ້​ໄຂ​ໄພ­ພິ­ບັດ​ຢູ່​ເມືອງ​ສະ­ໜາມ​ໄຊ ແລະ ອີກ 120 ລ້ານກີບ ພ້ອມ​ເຄື່ອງ­ໃຊ້​ໃນ​ເຮືອນ ຈຳ­ນວນ 1.800 ຊຸດ ແມ່ນ​ໃຫ້​ທ່ານ ບຸນ​ໂຮມ ພົມ​ມະ​ສານ ເຈົ້າ­ເມືອງ​ສະ­ໜາມ​ໄຊ ໂດຍມີ​ຄະ­ນະ​ນຳ​ແຂວງ​ອັດ​ຕະ​ປື ເມືອງ​ສະ­ໜາມ​ໄຊ ແລະ ພີ່­ນ້ອງ​ລູກ​ຫຼານ​ເຂົ້າ​ຮ່ວມ ໂອ­ກາດ​ນີ້ ທ່ານ​ນາງ ຄຳເມິງ ວໍ­ລະ​ຈິດ ໄດ້​ກ່າວ​ສະ­ແດງ​ຄວາມ​ເຫັນ​ອົກ​ເຫັນ­ໃຈ​ຕໍ່​ພໍ່​ແມ່​ປະ­ຊາ­ຊົນ ແລະ ລູກ​ຫຼານ​ຊາວ​ເມືອງ​ສະ­ໜາມ​ໄຊ ທີ່​ຖືກ​ໄພ­ພິ­ບັດ​ນ້ຳ​ຖ້ວມ​ຢ່າງ​ຮ້າຍ​ໃນ​ຄັ້ງ​ນີ້ ແລະ ຂໍ​ສະ­ແດງ​ຄວາມ​ເສຍ​ໃຈ ຂໍ​ແບ່ງ​ເບົາ​ຄວາມ­ທຸກ​ໂສກ​ນຳພໍ່​ແມ່​ປະ­ຊາ­ຊົນ​ທຸກ​ຄອບ­ຄົວ ແລະ ຂໍ​ເປັນ​ກຳ­ລັງ​ໃຈ​ໃຫ້​ພີ່­ນ້ອງ​ປະ­ຊາ­ຊົນ​ທີ່​ປະ­ສົບ​ໄພ ​ຈົ່ງ​ຜ່ານ​ພົ້ນ​ຄວາມ​ເສົ້າໂສກ​ຄັ້ງ​ນີ້​ໄປ​ໂດຍ​ໄວ.

ຈາກ​ນັ້ນ ທ່ານ ບຸນ​ໂຮມ ພົມ​ມະ​ສານ ເຈົ້າ­ເມືອງ​ສະ­ໜາມ​ໄຊ ກໍ່​ໄດ້​ກ່າວ​ສະ­ແດງ​ຄວາມ​ຂອບ­ໃຈ ແລະ ຮັບ​ຮູ້​ບຸນ­ຄຸນ​ເປັນ​ຢ່າງ​ສູງ​ຕໍ່​ທ່ານ​ນາງ ຄຳ​ເມິງ ແລະ ຄອບ­ຄົວ​ລູກ​ຫຼານ​ທີ່​ມີ​ນ້ຳ­ໃຈ​ສູງ​ສົ່ງ ມີ​ຄວາມ​ເຫັນ​ອົກ​ເຫັນໃຈ​ຕໍ່​ພໍ່​ແມ່​ປະ­ຊາ­ຊົນ​ຊາວ​ແຂວງ​ອັດ​ຕະ​ປື ກໍ່​ຄື ປະ­ຊາ­ຊົນ​ເມືອງ​ສະ­ໜາມ​ໄຊ ຜູ້​ປະ­ສົບ​ໄພ­ພິ­ບັດ​ນ້ຳ​ຖ້ວມ​ໃນຄັ້ງ​ນີ້ ແລະ ຢືນ­ຢັນ​ຈະ​ນຳ​ເອົາ​ວັດ­ຖຸ​ສິ່ງ​ຂອງ​ຕ່າງໆ ແລະ ເງິນ​ຊ່ວຍ­ເຫຼືອ​ໄປ​ມອບ​ໃຫ້​ປະ­ຊາ­ຊົນ​ຜູ້​ປະ­ສົບ​ໄພຢ່າງ​ທົ່ວ​ເຖິງ​ກັນ.

 

ແຫລງຂ່າວ: ໜັງສືິມວຽງຈັນໃໝ່

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...