ສຳນັກຂ່າວຕ່າງປະເທດລາຍງານຈາກລັດຟໍລິດາ ປະເທດສະຫະລັດອາເມລິກາ ເມື່ອວັນທີ 12 ສິງຫາ 2018ວ່າ ອົງການບໍລິຫານການບິນ ແລະ ອາວະກາດແຫ່ງຊາດຂອງສະຫະລັດ (ນາຊ່າ) ໄດ້ປ່ອຍຈະຫຼວດເດລຕ້າ 4 ເຮຟວີບັນທຸກຍານສຳຫຼວດປາຣ໌ເກີ ໂຊລາຣ໌ ໂພຣ ຈາກຖານຍິງຈະຫຼວດແຫຼມດານາເວີລັດຟໍລິດາເມື່ອເວລາ 14:31 ນາທີ ຂອງວັນອາທິດຕາມເວລາບ້ານເຮົາ ຂຶ້ນສູ່ວງໂຄຈອນທ້ອງຟ້າຢ່າງປອດໄພ ຈາກນັ້ນໄດ້ເດີນທາງດ້ວຍຄວາມໄວປະມານ 690,000 ກິໂລແມັດຕໍ່ຊົ່ວໂມງເຊິ່ງຖືວ່າເປັນຄວາມໄວສູງສຸກຈາກຍານອາວະກາດຈາກໂລກທີ່ເຄີຍມີມາ
ໂດຍຍານບໍ່ມີມະນຸດມູນຄ່າໂຄງການ 1,500 ລ້ານໂດລາລຳນີ້ຕ້ັງເປົ້າທີ່ຈະເດີນທາງເຂົ້າໄປໃຫ້ໃກ້ດວງອາທິດຫຼາຍທີ່ສຸດເມື່ອທຽບກັບຍານສຳຫຼວດລຳອື່ນໆໃນປະຫວັດສາດ ເພື່ອມຸ່ງໜ້າສູ່ສູນກາງລະບົບສຸລິຍະຈັກກະວານ ໂດຍຈະຝັງຢູ່ບໍລິເວນຊັ້ນບັນຍາກາດຂອງດວງອາທິດ ຫຼື ຮຽກວ່າໂຄໂຣນາ ໃນພາລະກິດ 7 ປີ ຫ່າງຈາກພື້ນຜິວດວງອາທິດປະມານ 6 ກິໂລແມັດ ແຕ່ຍານສຳຫຼວດກໍ່ມີລະບົບປ້ອງກັນຄວາມຮ້ອນສູງ ເຖິງຈະມີຄວາມໜາພຽງ 11.43 ຊມ ເທົ່ານັ້ນ ສາມາດປ້ອງກັນລັດສະໝີຄວາມຮ້ອນຈາກດວງອທິດໄດ້ຫຼາຍເຖິງ 500 ເທົ່າ ເມື່ອທຽບກັຄວາມຮ້ອນຈາກດວງອາທິດສູ່ຜິວໂລກ ຍານສຳຫຼວດຂະໜາດເທົ່າລົດລຳນີ້ ຈະເຮັດໃຫ້ນັກວິທະຍາສາດມີຄວາມເຂົ້າໃຈທີ່ດີຂຶ້ນກ່ຽວກັບລົມສຸລິຍະ ແລະ ພາຍຸແມ່ເຫຼັກໂລກ ເຊິ່ງຈະເຮັດໃຫ້ເກີດຄວາມວຸ້ນວານກັບໂລກໄດ້ໂດຍສະເພາະເລື່ອງກະແສໄຟຟ້າ