ເມື່ອວັນທີ 7\7\2018 ໄດ້ມີການແຂ່ງຂັນ Beerlao band challenge season 3 ທີ່ບອກເລີຍວ່າຈັດປີໃດກໍ່ຜົນຕອບຮັບດີທຸກປີຫຼາຍຄົນຄົງຮູ້ແລ້ວວ່າແຊ໋ມປີກາຍນີ້ນັ້ນກໍ່ຄືວົງ Dynamic ແຊ໋ມປີ(2017) ແລະ ປີ 2016 ແມ່ນວົງ Yes ທີ່ອອກຜົນງານເພງດັງນັ້ນກໍ່ຄືເພງຜິດ ດັງໄປທົ່ວບ້ານທົ່ວເມືອງອີ່ຫຼີ ເຊິ່ງປີນີ້ກໍ່ຈັດທີ່ສະຖານທີ່ເກົ່ານັ້ນກໍ່ຄືສູນການຄ້າລາວໄອເຕັກຕຶກໃໝ່ຊັ້ນ 7 ມີທັງໝົດ 24 ວົງເຂົ້າຮ່ວມການແຂ່ງຂັນຫຼືວ່າຄັດມາແລ້ວເປັນຮອບຮອງຊະນະເລີດເຊິ່ງວ່າວົງທີ່ໄດ້ເຂົ້າຮອບການແຂ່ງຂັນດັ່ງກ່າວມີວົງ
1.B05-GTD (ປຸ່ມທອງ)
2.B08-XZ (ປຸ່ມທອງ)
3.B13 Raw90 (ປຸ່ມທອງ)
4.B20The Spark (ປຸ່ມທອງ)
5.B21 X-Amy (ປຸ່ມທອງ)
6.B22 ກິຫລອຍ (ປຸ່ມທອງ)
7. B10-The one punch
8. B19-ZN
9. B11-ສອງຄີເຄິ່ງ
10. B07-Performance
11. B12-ປະປົນ
12. B09-ມົດແດງຊາຍ
13. B16- Six Sense
ທາງທີມງານເຮົາໄດ້ໄປສໍາພາດນັກຮ້ອງສາວສຽງດີສາວນໍ້າຝົນທີ່ຮັບໜ້າທີ່ເປັນພິທີກອນໃນງານປະກວດໃນຄັ້ງນີ້ : Beerlao band challenge season3 ໃນປີນີ້ຖືວ່າເປັນອີກປີ1 ທີ່ຄຶກຄີ້ນຫລາຍ ນັກດົນຕີ ແລະ ນັກຮ້ອງ ທີ່ເຂົ້າມາປະກວດຖືວ່າມີຄວາມສາມາດເກືອບເທົ່າມືອາຊີບ ມາພ້ອມຄວາມມັກຮັກໃນດົນຕີ ແລະ ກຽມພ້ອມມາດີສົມຄວນຈົນກຳມະການຕັດສິນຍາກເພາະວົງໃດກໍມີເອກະລັກຂອງໃຜມັນທີ່ເເຕກຕ່າງກັນອອກໄປ ການຈັດງານໃນປີນີ້ກໍເວົ້າໄດ້ວ່າຍິ່ງໃຫຍ່ອະລັງການ ທັງເຄື່ອງສຽງ ໄຟ ແສງ ສີ ຄືກັບໄປເບິ່ງຄອນເສີດໃຫຍ່ໆເລີຍ ທີ 21 ເປັນມື້ຊິງຊະນະເລີດແລ້ວມາລຸ້ນນຳກັນວ່າວົງໃດຈະໄດ້ລາງວັນຊະນະເລີດ ແລະ ກ້າວເຂົ້າເປັນສິນລະປິນໜ້າໃຫມ່ຂອງປະເທດລາວເຮົາ
ສໍາພາດຄະນະກໍາມະການອ້າຍສັກວົງເຊວ : ສໍາລັບ Beerlao Brand challenge season 3 ປີນີ້ກໍ່ຮູ້ສຶກວ່າມີສິ່ງທີ່ແປກໃໝ່ກໍ່ຄືມີນັກດົນຕີລຸ້ນນ້ອຍໆຫຼາຍຄົນເພີ່ມຂຶ້ນມາໃໝ່ໝາຍເຖິງຄົນທີ່ຫາກໍ່ແອບຫຼິ້ນເລີຍແລ້ວກໍ່ມີຝີມືດີລວມຕົວກັນເປັນພິເສດແລ້ວກໍ່ມີການສັບປ່ຽນຕໍາແໜ່ງບັນດາວົງລຸ້ນເກົ່າໆທີ່ເຄີຍຜ່ານມາແລ້ວມີນັກຮ້ອງມາຈາກໂຄງການແປ໋ບຊີ້ກະເຈົ້າກໍ່ມີບົດບາດສົມຄວນແລ້ວມາສະແດງໄດ້ດີຂຶ້ນແລ້ວນອກຈາກນີ້ຮູ້ສຶກວ່າຄົນລຸ້ນເກົ່າກະເຈົ້າຜິດຫວັງງຈາກປີທໍາອິດແລະປີທີ 2 ກະເຈົ້າກໍ່ໄດ້ມາແຂ່ງອີກຮູ້ສຶກວ່າກະເຈົ້າໄປກຽມໂຕມາຂ້າມສອງປີເພື່ອມາຍາດເອົາລາງວັນໃນປີນີ້ເຊິ່ງວ່າປີນີ້ມີກະຕິການໃຫ້ໃຊ້ເພງລາວທັງໝົດມີທັງຮອບຮອງຊິງແລະຮອບຊິງຊະນະເລີດ ເນື່ອງຈາກວ່າເປັນການແຂ່ງຂັນຢູ່ລາວແລະກະສ້າງຄວາມທ້າທາຍໃໝ່ໃຫ້ກັບບັນດານັກແຂ່ງທີ່ເພງລາວເກົ່າມັນດີຢູ່ແລ້ວມາເຮັດໃຫ້ມັນດີກວ່າເກົ່ານໍາສະເໜີໃນສິ່ງທີ່ຕົນເອງຢາກນໍາສະເໜີອີກຢ່າງໜຶ່ງທີ່ສົນໃຈຫຼາຍກໍ່ຄືເງິນລາງວັນ ວົງທີ່ໄດ້ລາງວັນທີ 1 ແມ່ນຮັບໄປ 50.000.0000 ກີບແບບເຕັມໆເລີຍບໍ່ແມ່ນ 30.000.000 ຫຼື 20.000.000 .
ໄດ້ຍິນຂ່າວມາວ່າໃນງານມ່ວນມັນແຮງພ້ອມກັນນັ້ນກໍາມະການກໍ່ຕັດສິນຢ່າງເອກະພາບກັນແລະພິເສດປີນີ້ມີສອງວົງໄດ້ຄະແນນເທົ່າກັນເລີຍເຂົ້າຮອບໄປ 13 ວົງໂອໂຫ້ນິແລະເຂົາເອີ້ນວ່າຝີມືທັງນັ້ນ ແລ້ວແອດມິນຢາກເຊີນຊວນທຸກຄົນເຂົ້າຮ່ວມເບິ່ງການແຂ່ງຂັນຮອບສຸດທ້າຍທີ່ສູກການຄ້າລາວໄອເຕັກຕຶກໃໝ່ຊັ້ນ 7 ເວລາ 17:00 ວັນທີ 21 ກໍລະກົດ(7) 2018 ເປັນຕົ້ນໄປມາຮ່ວມຊົມແລະເຊຍວົງທີ່ເຈົ້າມັກນໍາກັນເດີ້ວ່າໃຜສິເປັນແຊ໋ມໃນປີນີ້ .
ເຖິງຢ່າງໃດກໍ່ຕາມນັກດົນຕີ ບໍ່ວ່າສິເປັນມືອາຊີບ ມືສະຫມັກຫຼິ້ນໃນປະເທດລາວ ລ້ວນແລ້ວແຕ່ມີຄວາມສາມາດ ມີຄວາມຝັນ ແຕ່ຍັງຂາດພື້ນທີ່ໃນການສະແດງຝີມືອ ທາງເບຍລາວແນມເຫັນຖຶງຄວາມມຸ່ງມັ່ນຕັ້ງໃຈໃນທຸກຄວາມຝັນ ຈຶງລິເລິ່ມເປິດເວທີ Beerlao Band Challenge ນີ້ໃຫ້ຄົນຫນຸ່ມສາວທີ່ມີໃຈຮັກໃນສຽງດົນຕິ ໄດ້ມາສະແດງຄວາມສາມາດ ແລະແລກປ່ຽນຄວາມຄິດຄວາມເຫັນ ພ້ອມກັບພັດທະນາຝີມືລ່ວມກັນ
ເບຍລາວມີຄວາມເຊື່ອມັ່ນວ່າ ທັ້ງນັກດົນຕີແນວຫນ້າຂອງປະເທດ, ຜູ້ຊ່ຽວຊານໃນວົງການ ເຊົ່ນກຳມະການແລະຜູ້ໃຫ້ຄຳປຶກສາ ເຮົາສິສາມາດຮ່ວມກັນປັ້ນຝັນໃຫ້ກັບຫນຸ່ມສາວເຫຼ່ານີ້ ເພື່ອຍົກລະດັບວົງການດົນຕີລາວໃຫ້ມີຊີວິດຊີວາ ແລະມີຄວາມພາກພູມໃຈໃນການເປັນນັກດົນຕີລາວ.